________________
सिरिसोमप्पहसूरि - विरइयं जो न कुणइ काउरिसो धणज्जणं जोव्वणम्मि वतो । छगल-गलत्थण-जुयलं व जीवियं निप्फलं तस्स ||४१ || किंच नरेण मइमया न चेय चित्तम्मि चिंतियव्वमिणं । संत महंत विहवे किमिह१४ विहवज्जणेण जओ ? ||५०|l पइदियहं पूरिज्जइ जइ कहवि न निन्नया - सहस्सेहिं । ता सुसइ च्चिय अइरा गरुओ वि तरंगिणीनाही || ५१|| एवमवड्ढिज्जतो नवनव-दविणज्जणा-पयारेहिं विलयं वच्चइ नूणं बहुओ वि हु विहव - संभारी ॥५२॥
तओ गुणी वि गुण- वज्जिओ, मणहरो वि "रुवुज्झिओ, बुहो वि गयबुद्धिओ, "नयपरो वि उव्वेवओ, पियं पि पभणंतओ कडुपयंपिरो गिज्जए, तणं व लहुयत्तणं लहइ दव्वहीणो नरो । तहा,
દુ
किं च,
विगुणमवि गुणडुं रूवहीणं पि रम्मं, जडमवि मइमंतं मंदसत्तं पि सूरं । अकुलमवि कुलीणं तं पयंपंति लोया, नवकमलदलच्छी जं पलोएइ लच्छी ॥५३॥ लढूण धणं सहलं कायव्वं पत्तदाण- भोगेहिं । एवं " अकरेमाणे संतं पि असंतसारिच्छं ||१४||
19
जे उण " लद्धं पि धणं न दिति पत्ते सयं न भुंजंति । ते तं परोवभोग्गं रवखंति अवित्ति - कम्मयरा ||१५||
जो न नियइ परिभभिउं महिवलयमणेग - कोउगाइन्नं । सो कूव - दद्दुरो इव सारासारं न याणेइ || ५६ ||
ता "गंतूण देसंतरं करेमि सविसेस-दविणज्जणं" ति । तओ काऊण समग्ग- सामग्गिं पउर- पाइक्कचक्क-परिवुडो, खर- करह-वसहवेसर - विसरारोविय वियड कयाणगो पत्थिओ पसत्थे" दियहे पुव्वदिसाए । कइवय-पयाणगेहिं लंघिऊणाणेग-गामाSSगर-नगर- गिरिसरि-सरोवर - विरायमाणं मेइणिं पत्तो महग्घ मणिमयामर-मंदिर-सुंदेरपराभग्ग - सग्ग- सोहग्ग-गव्वं गंधपुरं नाम नयरं ।
Jain Education International
For Private & Personal Use Only
-
www.jainelibrary.org
