________________
सुमइनाह-चरियं
सो य राया निय-सुंदेरिमोहामिय-मयणो सयल-कलाकलावकुलहरं परकलत्त-पलोयण-परम्मुहो, महत्थ-पसत्थ-सत्थ-परिकम्मियमई सु मइ-माहप्प-निज्जियामरगुरू सु सामिक ज्ज-साहणाहीणजीवियव्वेसु मइसायर-प्पमुह-महामंतीसु समारोविय-रज्जभारो, कयाइ मंजु-गुंजंत-पणव-वेणु-वीणा-रवाणुगय-गेय-मणहरं बहुपयार-चारुचारी-करणंगहार-हीरंत-लोय-लोयणं रभसभर-भमिर-भूयवल्लिवेल्लिर-रणंत-कणय-कं कणं पणंगणाण नहँ पलो यए, कयाइ करकमल-कलियंकुसो मत्त-करि-कंधराधिरूढो गाढ-विम्हय-रसाउत्तनर-नारी-नयण-नीलुप्पल-मालोरुमालिज्जमाण-मुहकमलो विउलरायमग्गमोगाढो कीला-सोक्खमणुहवइ, कयाइ सुहासियामयरस-परवसो कवियण- वयणाइं सवणगोयरीकरेइ, कयाइ पइक्खणं पेक्खगजणजणिय-साहवाओ तुरंगवग्ग-वग्गण-विणोयमणुचिहइ, कयाइ पसत्थधम्मसत्थ-वियारमायरइ ।
इय पुव्वभवज्जिय-पुन-पगरिसागरिसियं गरुय-सोक्खं । सेवंतस्स नरिंदरस वासरा तस्स वोलंति ||४६||
अन्नया अत्थाणसहा-सुहनिसनस्स राइणो रयणकुहिम-मिलंतमउलिणा पणमिऊण विन्नत्तं पडिहारेण- 'देव ! देव-दसणाभिलासी सुमंगलो नाम सत्थवाहो दुवारे चिहइ ।' ।
राइणा भणियं-'सिग्धं पवेसेह ।' तओ पविहो समं पडिहारेण । पणमिओऽणेण राया । उवणीयं पहाण-पाहुडं । उचियासण-निसल्लो य भणिओ राइणा
'तुह सत्थवाह ! सागयमेण्हेिं सव्वत्थ वट्टए कुसलं ? |
अक्खलिओ ववहारो चिराओ दिहो सि वा कीस ?' ||४७|| सत्थवाहेण भणियं_ 'तुह पाय-कप्पपायव-छायं सेवंतयरस नरनाह ! ।
सव्वं पि सिद्ध-मणवंछियत्थसत्थस्स सुत्थं मे ||४८।। जं पुण चिरदसण-कारणं तं सुणेउ देवो
__ एगया रयणी-विराम-समय-समत्तनिद्दस्स समुप्पल्ला मणम्मि मे चिंता' ज़हा
Jain Education International
For Private & Personal Use Only
www.jainelibrary.org
