________________
सिरिसोमप्पहसूरि-विरइयं सुरसेल-कणय-कलसं जलनिहि-नीलंबराभिरामं तं ।
भुयगिंद-रुंद-दंडं छत्तं व महीयलं सहइ ||३|| तत्थऽस्थि वित्थिन - लवणो यहि-महल्ल- कल्लोल-पेल्लणुल्लसिय-महग्य-रयणुक्केर-किरण-दिप्पंत-पेरंतो पुनिमा-मयंको व्व संपन्न-परिवेस-मंडलो जंबुद्दीवो नाम दीवो | तम्मि य पुव्वविदेहावयंसय-सरिच्छ-सुकच्छविजय-वसुंधरालंकारकप्पं, कप्पिय-पयत्थपयाण-' कप्पडुम-समाण-माणव-समूह-भूसियं, सियकर-किरणसंभार-भासुर-सुरागार-सिंगार-गारवियं, वियड-कूव-वावी-सरोवरसहा-सहस्स-संकुलं, कुलभवणं व कला-कामिणीणं, उप्पत्ति-पयं पिव संपयाणं, आगरो' व्व गरुयच्छरय-रयणाणं, विस्सामहाणं व धम्मस्स, पडिबिंबं व पुरंदरपुरस्स, असंख-तरुसंड-मंडिय-परिसरं संखउरं नाम नयरं, जं च संचरंताणेग-गोरी-महेसर-पलोयण-कुऊहलागएण हिमालएणेव फलिहसिला-संघाय-घडिएण तुंग-पायारेण परिक्खित्तं, निस्सीमसामुद्दियवाणियाणीय-नाणारयणरासि-लोभागएण ‘गयणग्ग-लग्गपायार-प्पडिरुद्ध-प्पवेसे ण, पारावारेणेव परिहा-वलएण अतुच्छसच्छ-सलिल-संपुल्लेण परिवेढिय-पेरंतं । तासो कुसुद्ध-रयणेसु अरिह-सद्दो भूमीरुहेसु सुरधाम-सिरेसु दंडो । केसेसु बंधणविहीं कलहोवलंभो गेहम्मि भूमिवइणो न जणेसु जम्मि ||४|| मंज-लवलि-रमणिज्जा असोगजुत्ता' पियाल-वण-पवरा । बाहिँ जत्थाऽऽरामा सहति रामा-गणा मज्हो |४१।। तं पालए पणयभूव-पडत-चूडा-माणिक्क-चक्क-टिवडिक्तिय-पायवीढो । पच्चत्थि-पत्थिव-वहू-वयणारविंद-चंदुग्गमो विजयसेण-महानरिंदो॥४२||
तरला वि रज्जलच्छी जस्स भूयालाणखंभ-मूलम्मि । निबिड-गुणेहिं निबद्धा करणि व्व थिरत्तणं पत्ता ||४३|| "भुवणवणं पल्लवियं व सहइ जस्स प्पयाव-पिंजरियं । चंदकिरणुज्जलेणं जसेण धवलं कुसुमियं व ॥४४|| गयवाहणाओ हयपरियराओ हारावरुद्धकंठाओ । "दीसंति जस्स अंतेउरीओ रिउसुंदरीओ य ।।४।।
Jain Education International
For Private & Personal Use Only
www.jainelibrary.org
