________________
सुमइनाह-चरियं
पत्तो य वेजयंतं विमाणमणुभविय तत्थ सुर-रिद्धिं । तत्तो चुओ समाणो सुमइ-जिणिंदो समुप्पलो ||२५|| गाढंतरंग-रिउवग्ग-निग्गहुप्पन्न-केवलल्लाणो । पडिबोहिऊण भुवणत्तयं पि निव्वाणमणुपत्तो ।।२६।। तं तह समग्गमेयं संखेवेणं सुयाणुसारेण ।। ति-भव-ग्गहण-निबद्धं विरइज्जइ निज्जरा-हेउं ||२७|| एत्थावसरे जं सज्जणाण कइणो कुणंति थुइवायं । तत्थ न दोसो त्ति अओ अहमवि तं किंपि काहामि ||२८|| सुयणा जयंतु ते जाण माणसे माणसे व्व विमलम्मि । पिसुण-घण-रसिय-नहा हंस व्व गुणा निलीयंति ||२१|| जं दुज्जणाण कीरइ दोस-समुक्वित्तणं महापावं । तं कह करेमि फुडमप्पणो वि पिसुणत्त-संजणणं ||३०|| सो कह न दुज्जणो दुज्जणाण जो दोस-पयडणं कुणइ । परदोस-भासणं चिय चवंति' जं दुज्जण-सरुवं ।।३१|| जइ दुज्जणो न हुँतो सुयणो वि लभेज्ज तो न माहप्पं । छाया आयव-तवियाण' होइ सुहया विसेसेण ||३२|| पिसुणाण सज्जणाण व जं कीरइ पत्थणा न तं उचियं । जं पत्थिया वि पिसुणा कुडिल च्चिय कसिण-सप्प व्व ।।३३।। सुयणा अपत्थिया वि हु परगुण-बहुमाणिणो मह पबंधं । जइ पेच्छिहंति सगुणं तो गिहिरसंति सयमेव ||३४|| अह निग्गुणं मुणिस्संति ते इमं तो न आयरिस्संति । तह वि न होही मह एस निप्फलो नूणमारंभो ||३५|| न कइ ति कित्तिकामो न होमि पूयापयं ति कयबुद्धी । जणचित्त-चमक्कारं काहं ति न वा विहियवंछो ||३६।। किंतु सिरिसुमइ-पहुणो पहीण-सयलंतरारि-चक्करस । चरियलव-कित्तणेणं विणोयमहमप्पणो काहं ।।३७|| इय चिंतिऊण' काउं कहापबंधं इमं पयट्टो हं । एवं कए परेसिं पि जइ गुणो होज्ज ता भई ।।३८।।
Jain Education International
For Private & Personal Use Only
www.jainelibrary.org
