________________
सुमइनाह-चरियं
अन्नया जाया आवन्नसत्ता कमलादेवी, पत्तो पसव - समओ
इओ य अवाय- बहुलत्तेण सरीरस्स समुप्पन्नो पुव्व-कय-कम्मदोसओ दूसही सयल-मंतोसहासज्झो राइणो रोगो । भवियव्वयावसेणं संकाइ - दोस- दूसिय सम्मत्तो पत्तो पंचत्तं राया । जाओ जक्खो । सो य अहं । आभोईओ मए पुव्व-भवो । अत्थि देवीए गब्भे पुत्तो त्ति बुद्धीए मंतिणा पालिज्जतं दिहं रज्जं । जाया देवीए धूया । विसन्ना देवी । धीरविया मंतिणा- देवि ! पुत्तो जाओ त्ति पयासिऊण "धूयं चेव रज्जं कारविस्सं । धरियव्वा तए इमा पुत्त-वेसेण । कारिओ नयरे पुत्तजम्मूसवो । कयं कामसेणो त्ति नामं । सा य संपयं संपन्न -चंद - सुंदरमुही जाया जोव्वणाभिमुही । ता तुमं तत्थ गंतूण परिणेसु तं । पडिवण्णं कुमारेण । अग्गओ गहियंकुसेण जक्खेण पिओ निसन्नेण साहगेण गय - पहि- गओ गयणे चलिओ कुमारी । पत्तो कुंडलउरं परिसरुज्जाणे । दिन्ना जक्खेण रूव-परिवत्तिणी विज्जा कुमारस्स, भणियं च - तए इत्थीरूवेण परिणेयव्वा इमा । कयं कुमारेण कण्णा-रूवं । जक्खेण य विउव्वियं करि तुरय-रह-पाइक-परिणयं सिनं । सिक्खविऊण पेसिओ साहगो नाणगब्भ-मंति- पासे । भणिओ अणेण सो जहा- सिंहलदीवाओ सिंहलेसरेण कामसेण- रन्नो खवाइसयं सोऊण पेसिया सयंवरा पुब्नकलसी कन्ना, ता तहा करेहि जहा राया तं परिणेइ । पडिवन्नं मंतिणा । विसज्जिओ साहगो । सयं च गओ देवी- सयासं, कहिओ सयंवर - कन्नागमण-वुत्तंतो किं कायव्वं ? ति विसन्ना देवी । वुत्ता मंतिणा- देवि ! धीरा होहि । जओ, असुहस्स कालहरणं होइ । ता इमं चैव पत्तयालं जं इमीए करग्गहणं कारविज्जइ कामसेण राया । पच्छा जहाजोत्तं करिस्सामो । जइ पुण इमं न कीरइ तो विन्नाय - वत्थु - परमत्था पच्चत्थिणी अम्ह रज्जं विद्दवंति त्ति निच्छिऊण भणिया रहसि कामसेणावच्छे ! तुमं राय त्ति सोऊण साणुराया रायकन्ना सयंवरा पत्ता, तुमए य रज्ज - रक्खवणत्थं पुरिसवेसेणं चेव सा परिणेयव्वा । पडिवन्नमिमीए । जाणावियं साहगस्स । जक्खेण विउव्विओ विवाह - मंडवो
Jain Education International
३०३
मरगय-परिगय- वलही - वलओ विलसंत- जलय- पडलो व्व । कणयमय-खंभ-कलिओ थिर- रेहिर-विज्जु - दंडो व्व || २११२ ||
For Private & Personal Use Only
-
www.jainelibrary.org
