________________
३०२
सिरिसोमप्पहसूरि-विरइयं फार-फेक्वार-भीसण-सिवा-संकुलं, मडय-मंसासणक्खित्त-डाइणि-कुलं |२१०६ ।।
तत्थ. आलिहियं मंडलं साहगेण । मुक्को रत्त-कणवीर-कुसुमुक्करो । दिण्णावसाणे दीवया । कया दिस-रक्खा | ठिओ खग्ग-वग्ग-करो कुमारो । ठवियं मंडले मडयं । तम्महे पज्जालिओ जलणो । खित्ताओ मंत- पुव्वं आहुईओ । तओ किलिकिलियं भूएहिं । नच्चियं वेयालेहिं । हसियं रक्खसे हिं । मिलियं वग्ध-वराह- हय-हरिण-फेरंड-तुंडाहिं डाइणीहि ।
तह वि न जा खुब्भइ मंतसाहगो ताव उठ्ठियं मडयं । खिविउं तमेव कक्खाए धावियं पुव्व-दिसहुत्तं ||२१०७।। तो कोववसुग्गीरिय-खग्गो लग्गोऽणुमग्गओ कुमरो । रे ! जासि कत्थ ? मह होसु सम्मुहो' इय पयंपंतो ||२१०८।। तन्वयणं अवगणिय मडयं वच्चंतयं गयं रन्ने । तहवि पडिवन्न-पालणपरो ति न नियत्तए कुमरो ||२१09।। तो साहगं विमोत्तुं पडियं मडयं महीए सहस त्ति । अह फुरिय-रयण-मउडो मणि-कुंडल-लीढ-गंडयलो ||२११०।। मयजल-परिमल-मिलियालि-जाल-मुहलं गइंदमारूढो ।
सव्वाणुभूइ जक्खो जंपइ होऊण पच्चक्खो-||२१११|| कुमार ! तुह इमिणा अविमुक्त -परोवयार-क्क मेण विक्कमेण रंजिय-मणो सिद्धो हं ।।
कुमारेण वुत्तं-भद्द ! साहगरस सिज्मसु ।
जक्खेण वुत्तं-नत्थि एयस्स जोग्गया । तुमं पुण पुन्नग्गलो | अहं तुहाएसकारी निच्च-सन्निहिओ वहिस्सं । तुह समीवहियस्स इमस्स वि सव्वं समीहियं होहि त्ति । भुयाए घेत्तूण कुमारो साहगो य आरोविओ हत्थि-क्खंधं । भणियं-कुमार ! अस्थि वित्थिन्न-पुन्न-पब्भार-पुरिसपाओब्भवं ता विदब्भ-विसए धरणि-रमणि-मणि-कुंडल-पवरं कुंडलउरं नयरं । तत्थ वेरि-नरिंद-करिंदमियारी दमियारी राया । तस्स वयणविणिज्जिय-वियसिय-कमला कमलादेवी । रज्ज-कज्ज-संदब्भपगब्भो नाणगब्भो मंती । मुणिचंदसूरि-पासे पवन्नं रला संम्मत्तं ।
Jain Education International
For Private & Personal Use Only
www.jainelibrary.org
