________________
३०१
सुमइनाह-चरियं
तरस पुरे वियरंतस्स पूरयंति व्व मुत्तिय-चउक्के । धावंतीओ तरुणी रहस-सतुटुंत-हारेहिं ।।२१०१।। तहसण-रहस-पहाविरीहिं पउरंगणाहिं रायपहा | अच्चिज्जति निरंतर-ल्हसंत-धम्मेल्ल-कुसुमेहिं ||२१०२।। कह वि पहे वच्चंतं जा पेच्छइ कामिणी कूमारमिणं । उव्वहइ हरसिमेसा संपत्त-तिलोय-रज्ज व्व ||२१०३।। लीलाइ च्चिय जं जं पलोअए बालियं इमो सुहओ । सा सा गणइ निरग्गल-सोहग्ग-समग्गमप्पाणं ||२१०४।। रमणीओ रयणीसु वि सुविणे तं पेच्छिऊण सहस त्ति । एते स एइ कुमरो त्ति जंपमाणीओ उहंति ||२१०५।।
अन्नया निय-पासाए पसं डि-सिंहासण-निसन्नस्स कुमारस्स समीवमुवागओ एगो पुरिसो । पणमिऊण विन्नत्तमणेण-कुमार ! अत्थि सावत्थी नयरी, तत्थ जिणच्चण-पसत्तो उदारसत्तो मुणि-पय-भत्तो मुणिय-जीवाजीवाइ-तत्तो जिणदत्तो सावओ । अहं पि तत्थेव वत्थव्वओ तस्स मित्तो मित्तसेणो । सो य कयाइ अकय-कत्थूरियाइ-विलेवणो वि अविहिय-कुसुमामेलो वि सुरहि-परिमल-वासिय-दियंतरो दहण पुढो मए मित्त ! किं निमित्तो ते एरिसो परिमलो ? भणियमणेण-मित्त ! अस्थि मे सिद्धो सव्वाणुभूई नाम जक्खो | तेण समं गयणंगणे गयारूढो नंदीसराईसु सासय-जिण-पडिम-वंदणत्थं वच्चामि । तत्थ निरंतरं देवा अवयरंति, सुरकुसुम-सोरब्भ-वासियत्तणेण मे एवं विहो परिमलो त्ति । वुत्तो सो मए-जइ एवं ता देहि मे तस्स साहण-मंतं । दिल्लो अणेण मंतो । साहिओ साहण-विहीं । कया मए छम्मासं जाव पुन्वसेवा | अओ परं सव्व-लक्खणोवेएण महासत्तेण उत्तर-साहगेण साहिज्जइ । मए य सयल-महियलं गवसंतेण तुमं चेव तारिसो पर-पत्थणा-भंग-भीरू य दिहो । ता पसायं काऊण तहा करेसु जहा मे मंतसिद्धी हवइ त्ति । पडिवन्नमिणं कुमारेण । आगया कण्ह-चउद्दसी, गहिय-खग्गो साहगेण समं गओ कुमारो मसाणं,
जंविया-जलण-जालोलि-लीढं वरं, चंडवेयाल-कय-तंडवाडंबरं ।
Jain Education International
For Private & Personal Use Only
www.jainelibrary.org
