________________
३००
सिरिसोमप्पहसूरि-विरइयं एवं भणिऊण विहिपुव्वं दिक्खिओ इमो करेइ नियमं जहाजहल्लेण वि मासाओ पारियव्वं ति । . कयनियमो पइदिणं भिक्खं भमिऊण समणाणं भत्तपाणं अप्पंतो पारणग-दिणे वि मणुलमन्नमन्ने सिं चेव दिंतो सो दुवालसविहं तवं आराहिं तो जीविऊण वरिस-लक्खं समाहिणा मओ समाणो असमाणसुहसारं सहस्सारं "गओ सुरलोयं जाओ इंद-सामाणिओ ||
इह जंबुद्दीवे दीवे भारहवासम्मि मज्झिमे खंडे । पुरमत्थि पइहाणं लोउत्तर-संपया-ठाणं ||२०१२।। वागरणं व चउक्काइ-पवरमत्थडवन्न-संकिन्नं । नवरं निवाय-उवसग्ग-वज्जियं जणइ जं चोज्जं ||२0१३।। तत्थत्थि पत्थिवो दुत्थ-सत्थ-नित्थरण-रित्थ-वित्थारो । नामेण मलयकेऊ केउ व्व विवक्ख-निवईणं ।।२0१४|| जस्स करे करवालो छज्जइ ताविच्छ-गुच्छ-सच्छाओ । समरम्मि हढायडिय-जयलच्छी-वेणि-दंडो व्व ।।२0१५।। तस्सत्थि विलासवई सुंदेर-विलास-मंदिरं देवी । जीए पिय-वयण-जियं अमयं अमयं फुडं जायं ॥२०१६।। सो य निब्भग्ग-जीवो अहार-सागरोवमाइं भोत्तूण । दिव्व-सुखं चुओ समाणो समुप्पल्लो तीए गब्भे ||२०१७।।
दिहो य देवीए तीए चेव रयणीए वयणे पविसमाणो पुन्नकलसो । गब्भाणुभावेण य पणया तस्स सीमंत-सामंता, पयडीहूयाणि पुन्व-नरिंद-निहित्ताणि पणह-निहाणाणि । निहणं गया पच्चत्थिणो । जाओ सो कालक्कमेण । कयं वद्धावणयं । सुविणाणुसारओ पइडियं से पुन्नकलसो ति नामं, वडिओ देहोवचएणं कला-कलावेण य ।
नीलुप्पल-दल-नयणो निल्लंच्छण-छणससंक-सम-वयणो । परिहोवम-भुयजुयलो कणयसिला-विउल-वच्छयलो ||२०१८।। सव्वंगं अमएण व विणिम्मिओ जणिय-जण-मणाणंदो । पत्तो गुणसंपन्नं तारुघ्नं पुन्नकलसो सो ||२०११|| सो जत्थ कीलणत्थं पुरम्मि परिभमइ मयण-समरूवो । सयल-विलयाओ वियरंति तत्थ अणुमग्ग-लग्गाओ ||२१००||
For Private & Personal Use Only
Jain Education International
www.jainelibrary.org
