________________
सुमइनाह-चरियं
लाभंतराय - कम्मं निबिडं तप्पच्चयं जयहरेण । बद्धं तओ निसाए विसूइया तस्स संजाया || २०८२|| तो तक्खणेण तिव्वा सव्वंगं वेयणा समुप्पन्ना । नरयम्मि नायरस्स वि पाएणं जा न संभवइ || २०८३॥ तं जहा
299
फुट्टइ सीसं तुहंति व्व संधिणो भज्जंति व अद्वीणि उम्मूलिज्जंति व्व लोयणाइं छिज्जंति व्व अंताई भज्जंति व्व कुक्खिणो दलिज्जंति व्व दसणा जलणेण डज्झति व्व सव्वंगाई । तओ विरसमारसंतो रक्ख- रक्ख ति दीणं पयंपतो केणावि अकय-परित्ताणो पत्तो पंचत्तं सो । उप्पन्नो पढमे नरए । तओ उवट्टी सरीसिवो होऊण गओ बीए । तओं पक्खी होऊण गओ तईए । तओ सीहो होऊण गओ चउत्थे । तओ उरगो होऊण गओ पंचमे । तओ इत्थी होऊण गओ छडे । तओ मच्छो होऊण गओ सत्तमे ।
इय तिरिय नारएसुं मणुएसु वि दुक्खिएसु सो भमिओ । सव्वत्थ छुहा-तण्हा - किलामिओ च्चिय गओ मरणं ॥ २०८४।। सो य तुमं जाओ गामचिंतग सुयत्तणेण निब्भग्गो । जइ वि असंख-भवेसुं तुमए तं कम्ममणुभूयं ॥२०८५ || तहवि अइ- संकिलिद्वासएण बद्धं ति अणणुभूयं पि । अज्जवि अत्थि पभूयं तेण तुमं दुक्खिओ वच्छ ! || २०८६|| तो जाय - जाइसरणो संविग्ग-मणो भाइ निब्भग्गो । अत्थि उवाओ किं वा वि तुट्टए जेण तं कम्मं ? ||२०८७|| केवलिणा वागरियं-अत्थि उवाओ तवो खु कम्म-खए । जं होइ खओ तेसिं तवसा उ निकाईयाणं पि ॥२०८८|| सो य तवो बारसहा छहि छहि बज्झंतरंग-भेएहिं । आराहिज्जइ समणत्तणेण सम्मं समग्गो वि || २०८९|| निब्भग्गो भणइ - अहं जइ जुग्गो ता ममं कुणसु समणं । जेणाऽऽराहेमि तवं गुरुणा वृत्तं तुमं जोग्गो ||२०१०|| जओ
9
अइ-कूरज्झवसाया जे च्चिय समणत्तणस्स न हु जोग्गा । भवियव्वयावसेण लहंति जोग्गत्तणं ते वि || २०११ ||
For Private & Personal Use Only
Jain Education International
www.jainelibrary.org
