________________
२१८
सिरिसोमप्पहसूरि-विरइयं निहि-दव्वेणं घय-तंदुलाइं आणाविउं पुणो पउरं । कय-देवातिहि-दाणे भुंजइ घरिणीए सह सेठी ||२०६८।। तत्तो दिणाओ आरब्भ पसरिया तस्स मंदिरे लच्छी । सो वि सयं तं भुंजइ वियरइ सुहि-सयण-दीणाण ||२०६१।। इय लच्छि-फलं लिंतस्स तस्स कालो बहू अइक्वंतो । अह रयणीए उवसप्पिऊण लच्छी भणइ सिहिं ।।२०७०।। मोत्तूण तुमं अन्नत्थ वच्छरंते अहं गमिस्सामि । इय सोच्चा पच्चूसे सिही दाऊण बहु-दव्वं ।।२०७१।। जिण-मंदिरं महंतं सिग्धं कारवइ सुत्तहारेहिं । वत्थान-पत्त-दाणं विसेसओ कुणइ समणाण ।।२०७२।। सिद्धत-पुत्थयाइं लिहाविउं जइजणस्स अप्पेइ । जीवाण अभयदाणं दव्वं दाऊण कारवइ ||२०७३।। तह बंधु-मित्त-बंदियण-दीण-दुत्थाण वियरिउं सव्वं । कच्छुट्टयं च काउं सुत्तो तण-सत्थरे सेही ।।२०७४।। पुणरवि पत्ता लच्छी ख्यमाणा सिहिमुल्लवइ एवं- । देव-गुरु-धम्म-कज्जे तुमए दाऊण छलियाहं ।।२०७५।। नग्गा भुग्गा वच्चामि कत्थ अन्नत्थ ? ता न वच्चिस्सं । दासि व्व अंकवडिया तुज्झा घरे चेय चिहिस्सं ॥२०७६।। सेही जंपइ-जं तुज्झ रुच्चए तं करेसु, किं बहुणा' । तत्तो सिहिस्स घरे लच्छी पुव्वं व वित्थरिया ॥२०७७।। इय लच्छीहर सेही लच्छिं देव-गुरु-धम्म-कज्जेसु । छलिऊण चिरं पत्तो कमेण सग्गं च मोक्खं च ।।२०७८।। एवं सोच्चा संजायमच्छरो जयहरो निवं भणइ । वनंति इमे समणा नियए च्चिय देव-गुरु-धम्मे ।।२०७१।। मनंति न उण अन्ने ता कुण एयाण भिक्ख-पडिसेहं । वच्चंति जेण अन्नत्थ तो निवो दावए पडहं ||२०८०।। जो समणाणं भिक्खं दाही तस्संग-निग्गहं काहं । राय-भएण न केण वि दिना भिक्खा तया तेसिं ||२०८१।।
Jain Education International
For Private & Personal Use Only
www.jainelibrary.org
