________________
२१७
सुमइनाह-चरियं
ता केणावि उवाएण पुव्वमणुकूलयामि तं गंतुं । तो गामाओ इंतस्स सेहिणो वडतरुस्स तले ।।२०५४।। रमणीय-रमणि-रुवं काउं अइ-सिसिर-सलिल-संपुण्णं । धरिउं करे करवियं ठिया तओ सिहिणा दिहा ||२०५५।। कावि परित्थी एस ति चिंतिउं वडतरुस्स दूरेण । सेही गओ तओ सा बीय-दिणे अभिमुहं गंतुं ||२०५६।। सिहिं जंपइ सिही वि वच्चए उत्तरं अदाऊण | तईय दिणे पुण गाढं चलणेसु विलग्गिउण ठिया ||२०५७।। सिही भणइ तुमं का ? सा जंपइ सिहि ! तुज्झ घरलच्छी । तुह गेहमागमिस्सामि भणइ सेही अलं तुमए ।।२०५८।। जाइकलियं न इच्छसि कमलग्गं मयसि अक्कमारूढे । विवरीय-सरुवे लच्छिभमरि तं वंदणेज्जा सि ||२०५१।। ता मज्झा चलण-जुयलं भद्दे ! मुत्तूण दूरमोसरसु । लच्छी भणइ पसीयसु मह मन्नसु निय-घरागमणं ||२०६०।। गरूयस्स तुज्झ जुज्जइ किं काउं पणय-पत्थणा विहला । इय निब्बंधे विहिए सिही जंपइ-तुमं चवला ||२०६१|| गंतुं जया समीहसि तए तया वच्छरेण एक्वेण । पुरओ मह कहियव्वं-सिहि ! अहं गंतुकाम त्ति ||२०६२|| पडिवन्नमिणं लच्छीइ जंपियं सेहिणा वि जइ एवं । ता आगच्छसु भद्दे ! अह सेही आगओ गेहं ||२०६३|| तम्मि दिणे सविसेसं करेइ सिहिस्स गोरवं घरिणी । जं कमलच्छी लच्छी पेच्छइ सो पावए पूयं ।।२०६४।। निच्चं पि वल्ल-तेल्लाइं असण-दुत्थस्स तुज्झ जोग्गाणि | जा अज्ज मुग्ग-तंदुल-घयाणि आणेमि हटाओ ||२०६५|| ता खाणुमिणं वच्छेण उक्खयं निक्खणेसु उंडयरं । इय जंपिऊण सिहिं संपत्ता सिहिणी हट्टे ।।२०६६।। सिही वि दरं दितो निहाण-कलसस्स कंठयं नियइ । तो उक्खणिऊण निहिं निय-भवणभंतरे खिवइ ॥२०६७।।
Jain Education International
For Private & Personal Use Only
www.jainelibrary.org
