________________
૨૬૬
सिरिसोमप्पहसूरि-विरइयं तत्थ जिणधम्म-निहो सिही लच्छीहरो महासत्तो । तरस कमल त्ति भज्जा कमलमुही कमलदल-नयणा ||२०४०।। अह अन्नया निसाए सिय-वत्थाभरण-भूसिया नारी । दिहा तेण पसुत्तेण पुच्छिया-का तुमं भद्दे ? ||२०४१।। तीए वुत्तं- 'अहयं तुह गिहलच्छी' तओ भणइ सेही । किमिहाऽऽगया सि ? सा भणइ-तुह गिहाओ गमिस्सामि ।।२०४२|| इय कहणत्थं सेही सत्तपहाणो त्ति पण्हिणा हणिउं । जंपइ-'जइ पच्छा वि हु वच्चसि वच्चेसु ता इण्डिं ||२०४३|| पुरिसा ते च्चिय वुच्चंति जे विरत्ते जणे न रच्चंति । तम्मि वि जे अणुरायं कुणंति तेसिं फुससु लीहं ||२०४४|| ता अन्नत्थ-गया सा पच्चूसे जाव उहिओ सेही । निम्मविय-निच्च-किच्चो ववहारत्थं पलोएइ ॥२०४५।। धण-कण-कप्पड-चोप्पड-कणग-प्पमुहं न पिच्छए किंचि । तत्तो चिंतइ एवं जइ वि वराई गया लच्छी ।।२०४६।। तह वि गर्य भह सत्तं न किंपि अओ करेमि ववसायं । तो पाडिवेसियाओ उच्छिन्नं मग्गए किंचि ||२०४७।। घेत्तूण तेण धूवण-लवण-प्पमुहाई मत्थए पिडगं । काऊण भमइ पुर-पाडएसु कय-विक्वय-निमित्तं ||२०४८|| उच्छिन्नमप्पियं गेहमागओ विहिय-देव-गुरु-पुज्जो । अतिहीण किंचि दाउं लाभेणं चिय कुणइ वित्तिं ।।२०४१।। इय पइदिणं कृणंतो तम्मि पुरे पउर-लाभ-विरहाओ । पिडगं रिरम्मि काउं हिंडइ आसण्ण-गामेसु ॥२०५०।। एवं कालो वच्चइ सा लच्छी किवण-मंदिरम्मि गया । सयमणुवभोज्जमाणा परस्स कस्स वि अदिज्जंती ।।२०५१।। खड्डाए पक्खित्ता सहमाणा तिक्ख-दुक्खमुव्विग्गा । चिंतइ चित्ते एवं-'अहो ! अजुत्तं मए विहियं ॥२०५२।। जं सो महाणुभावो मुक्को ता संपयं पि तस्स घरे । वच्चामि किंतु सो मह दाही निण्हुत्ति न पवेसं ।।२०५३।।
Jain Education International
For Private & Personal Use Only
www.jainelibrary.org
