________________
सुमइनाह-चरियं
२१५
तो मुणि-पय-पवखालण-जलेण अब्भुक्खियं नयरमखिलं । असिवं खलु उवसंत राया परिओसमावन्नो || २०२७|| जंपइ कुमरं - 'तुममुत्तमो त्ति सामन्नाओ जइ विनायं । तह वि तुह मुणिउमिच्छइ ठाण- कुलप्पमुहमेस जणी || २०२८| पुर-कुल- पिउप्पमुहं कुमर संतियं कहइ सव्वमवि विमलो । निय-धूयं कणगवई रन्ना परिणाविओ कुमरो || २०२१ || कुमरस्स कुणइ करि तुरय- कणय- वत्थाइ - वियरणं राया । इय तत्थ सुहं चिह्न विसयासेवणपरो कुमरो || २०३०||
अह पुरिसा अमरपुराओ आगया तत्थ तेहिं विन्नत्तो । कुमरो तुमम्मि नगराओ निग्गए सो समरसीहो || २०३१|| पारद्धिपरी रज्जं रक्खइ न परेहिं विद्दविज्जंतं । कुणइ अणीइं च सयं पयाओ तत्तो विरताओ || २०३२|| तो मिग-हणण- छलेणं पारद्धि-परव्वसो पहाणेहिं । सिलाइएहिं हणिउं नीओ सो झत्ति पंचत्तं ||२०३३ || तो तत्थ तुमं गंतूण नियय-रज्जं अणाहमुद्धरसु । इय सोच्चा संचलिओ कुमरो चउरंग-बल - कलिओ || २०३४ || संपत्ती अमरपुरे पट्टम्मि निवेसिओ पहाणेहिं ।
काऊण चिरं रज्जं जिणधम्मपरो गओ सुगई || २०३५ || जीवदया - रहिओ इह भवे वि निहणं गओ समरसीहो । तं पुण कुणमाणो मंगलाई पत्तो अमरसीहो || २०३६ ||
देव-गुरु- धम्म- कज्जे निजुंजिऊणं छलंति जे लच्छिं । लच्छीहरो व्व सेट्ठी लहंति कल्लाण-लच्छिं ते ॥२०३७|| अत्थित्थ भरहखेत्ते नयरं लच्छीपुरं बुह समिद्धं । मुत्तूण जलावासं जलहिं जस्सिं वसइ लच्छी || २०३८|| लच्छिविलासी राया तत्थ पयावानलो तवो जस्स । रिउ - रमणि - नयण-नीरप्पवाह-सित्तो" वि पज्जलइ || २०३१||
Jain Education International
For Private & Personal Use Only
www.jainelibrary.org
