________________
૨૬૨
सिरिसोमप्पहसूरि-विरइयं जंबुद्दीवे भरहे दाहिणभायस्स मज्झिमे खंडे । अमरनयरं व रम्मं अमरपुरं अत्थि वर-नयरं ||१११८।। विलयाउलाइं वित्थिन्न-पत्त-पुन्लाइं पवर-सालाई । जत्थ भवणाई मज्झे वणाई बाहिं विरायंति ।।११११।। तत्थ सुग्गीवो राया । मेहं व सजलधारं रण-गयण-समुन्नयं तमालनिहं । दहूण जरस खग्गं पलाइयं रायहंसेहि ||२000।। तस्स अन्नन्न-कलत्त-कुविख-संभूया दुवे पुत्ता | समरसीहो अमरसीहो य पत्ता दो वि जोव्वणं ||२००१।। कयाइ परलोयं गए जणए जेहो त्ति निविट्ठो समरसीहो रज्जे । सो य निकरुणो पारद्धि-गिद्धो रज्जकज्जाइं पि अचिंतयंतो चिहइ । अमरसीहो उण पाणिदया-परोपरोवयार-निरओ निरयगमण-निबंधणं बंधणं पिव पावं परिहरंतो कालं गमेइ | कयाइं तुरय-वाहणत्थं निग्गओ नगरबाहिं, तरुच्छायाए वीसमंतो पेच्छए छगलं पुरिसेण निज्जंतं । सो य निय-भासाए बुब्बुयइ । कुमारेण करुणाए मोयाविओ । तहावि बुब्बुयंतो न थक्वइ । कुमरेण भणिओ पुरिसो
किं नेसि छगलमेयं ?' सो जंपइ-होइ पसुवहो जल्ने । सग्गफलो तो हंतुं तम्मि इमं, अह भणइ कुमरो- ||२००२।। जइ पसुवहेण सग्गो लब्भइ ता केण गम्मए नरए । न हि हिंसाओ अण्णं गरूयं पावं पयंपंति ॥२००३।। एत्थंतरम्मि पत्तो सोम-मुणी तत्थ दिव्वनाण-जुओ । कुमरो भणइ- विवायं एस मुणी छिंदिही अम्ह ||२००४।। भणिओ मुणिणा छगलोखड्ड खणाविय सई छगल सइं आरोविय रुक्ख । पई जि पवत्तिओ जन्नु सइं किं बुब्बुयहि मुरुक्ख ? ! ||२००५।। इमं सोच्चा ठिओ तुहिक्को छगलो । विम्हिएण कुमरेण वुत्तं-भयवं ! एस छगलो किं तुम्ह पढियमित्तेण चेव तुण्हिोक्को ठिओ ? | साहुणा वुत्तं- भद्द ! रुद्दसम्मो नाम इमस्स पुरिसस्स पिता आसि । तेण खणावियं
Jain Education International
For Private & Personal Use Only
www.jainelibrary.org
