________________
२१३
सुमइनाह-चरियं इमं तलायं | पालीए आरोविया रुक्खा | पइवरिसं पवत्तिओ जल्लो, जत्थ छगलगा वहिज्जति । सो कालेण मओ । जाओ छगलगो । हणिओ इमिणा इत्थेव जल्ने । एवं हओ पंचसु भवेसु । छहो पुण इमो भवो । संपयं अकामनिज्जराए लहुकय-कम्मो जाईसरो इमं भणइ-पुत्तया ! किं मारेसि मं ? तुह पियाहं । जइ न पत्तियसि ता करेमि अहिनाणं । दंसेमि निहाणं । जं मए तुह परोक्खं निक्खयं अस्थि । पुरिसेण वुत्तं- भयवं ! जइ सच्चमेयं ता दंसेउ एसो । जं इमं सुच्चा चलिओ छगलगो गओ गिहभंतरं, निहाण-प्पएसं पाएहिं पहणेइ । खणिए लद्धं निहाणं । जायपच्चओ पडिवल्लो सम्मत्तं पुरिसो | कुमरेण वुत्तं- भयवं ! जइ सत्थविहियस्स वि पसुवहस्स एरिसो दारुणो परिणामो ता मए कायव्वा जीवदया । छगलो साहुपासे धम्म सोच्चा कय-भत्त-पच्चक्खाणो मओ गओ सग्गं । उवगारि त्ति करेइ कुमररस सन्निज्मं । एवं वच्चए कालो |
अह जंपइ छगल-सुरो भासुर-मणि-मउड-कुंडलाहरणो । रयणीए रायपुत्तं गयणे होऊण पच्चक्खो ||२००६।। एसो राया गरूयं जणाणुरायं तुमंमि असहंतो । अच्चंत कूरचित्तो चिंता तुह मारणोवाए ||२००७।। ता मुत्तुं नयरमिणं संपइ देसंतरं तुमं वच्च । समए पुण रज्जमिणं तुमए च्चिय उदरेयव्वं ।।२००८।। इय सुरगिराइ कुमरो विमलेण अमच्च-नंदणेण समं । नयराओ निक्खंतो कमेण कुंडिलपुरं पत्तो ||२00१।। तम्मि समए महंतं असिवं तत्थऽत्थि तस्स पसमकए । "पुरदेवयाइ पुरओ पसुवहमाणवइ भाणु निवो ||२०१०।। तं पारद्धं दहुँ कुमरो करुणाइ हिंसगे भणइमा हणह इमे, ते बिति-'को तुमं वारगो अम्ह ? ||२०११।। निव-वयणेण पसुवहं कुणिमो निव-वयणओ य विरमामो' । इय भणिऊण पयट्टा काउं ते पसुवहं पुरिसा ||२०१२|| तो थंभिया भुया ताण कुमर-वयणाओ छयल-अमरेण । सुच्चा अच्छरियमिणं भाणु निवो तत्थ संपत्तो ।।२०१३।।
Jain Education International
For Private & Personal Use Only
www.jainelibrary.org
