________________
सुमहनाह-चरियं
२११
तेणेव समं समागओ सोमो पउमपुरं । भणिओ सोमेण सुद्धो- 'सच्चं चेव सुद्धो सि । न याणसि उवएस - परमत्थं, तं पुण कहेमि-देव-गुरुचलणच्चणेण अत्थोवज्जणेण य जामदुगं गमिऊण जिने पुव्व-भुत्तभत्ते उइन्नाए छुहाए अतिहिदाण-पुव्वं सयणेहिं समं जं भुज्जइ तं मिहं' ति भन्नइ । 'दुपय- चउप्पयाइ परिग्गह- सारवणेण दिणायव्वयचिंतणेण देव-गुरु-संभरणेण य जाममेक्कं जग्गिऊण जं सुप्पइ तं सुहं सोयव्वं' ति वुच्चइ । अब्भहिय - मुल्लं सुवन्नाइ - गहणगं घेत्तूण परस्स परिमियं दायव्वं । तओ सो सयं चेव गहिय- दव्वं दाऊण अप्पणी सुवन्नाइ मग्गइ | अओ 'दिन्नं न मग्गियव्वंट' ति सीसइ | महिलाए पहारो न दायव्वो । अह कह वि कोव-वसेण दिज्जइ ता अवच्चबंधणेण बद्धाए चेव दिज्जइ । अन्नहा घरं मोत्तूण सा वच्चइ | एवं 'भज्जा बंधिऊण पिट्टियव्व' त्ति साहिज्जइ । वियसिय मुहेहिं लोयस्स उज्जला दंता दंसियव्वा तओ सो जाय-सिणेही वसणे पत्ते रक्खगो होइ । एवं 'दंतेहिं वाडी कायव्व' त्ति अक्खिज्जइ । गामे गामे नियगुणग्गामेण को वि सयणो कायव्वो जो तत्थ- गयाणं सम्माणं कुणइ । एवं 'गामे गामे घरं कायव्वं' ति कहिज्जइ । वच्छ ! अत्थि पिउपरियण-मज्झाओ को वि ? सुद्धेण वृत्तं - अत्थि थेरी एक्का । हक्कारिया सा । पुच्छिया सोमेण । आसि गंग त्ति नामेण का वि ? | तीए वुत्तंआसि सेहिस्स वल्लहा धवला गंगा-तरंग तरला तुरंगी गंगा नामा | पुणो वुत्ता- किं तीए बंधणद्वाणं ? | थेरीए दंसियं । तं खणावियं सोमेण । लद्धं सुवण्ण- लक्ख-प्पमाणं निहाणं । जाओ महाधणी सुद्धी । आणिया साणंदेण नंदा, विसज्जिओ पुज्जिऊण उवएसपरमत्थ- वागरणं गुरु सोमो ।
इहभव-हियत्थ-कहगा वि पुज्जणिज्जा जणस्स हुंति गुरु | किं पुण परभव - सुह- हेउ - धम्म-उवएसगा जइणो || १९९५।।
जे चत्त- सव्व-संगा पंच- महव्वय- भरुव्वहण-वसहा । ते च्चिय मुणिणो गुरुणी न उ सेसा विसय - विवसति ||१९९६ ॥ धम्मो जीवदय च्चिय नर-: - सुर-सिव - सुक्ख कारणं भणिओ । तं कुणमाणी पावेइ अमरसीहो व्व कल्लाणं || १९९७ ।।
Jain Education International
For Private & Personal Use Only
www.jainelibrary.org
