Page Text
________________
२१०
सिरिसोमप्पहसूरि-विरइयं सुद्धेण लिहिया इमे अट्ठ वि उवएसा । इह-गुरु-देवया-सुमरण-परो परलोयं गओ सेट्ठी । पउमसिरी वि तन्विओग-सोगाउल-मणा कमेण गया पंचत्त ।
तओ 'मिहं भुंजियव्वं'ति पढमो ताओपएसो तं करेमि ति चिंतंतो सो भक्खइ दुक्ख-दलण-दक्खाओ दक्खाओ, कय-सुक्खपूरं खजूरं, अमंद-सुंदेराई नालेराई, अमय-विंडबयाई अंबयाई, विहिय-हरिसतरंगाइं नारंगाई, मिलिय-सक्वरामयलाई कयलाइं, मण-मोयगे मोयगे, दिहि-दाण-सज्जाइं खज्जाइं, पीइ-विप्फारण-फुरुक्वियाउ सुरुक्वियाउ, पमोय-संपाडण-पंडियाउ मंडियाउ, संसार-सारं कंसारं, छुहा-पसरखंडए मंडए, घय-सित्त-दालिं कलमसालिं, अरोयग-संजणाई वंजणाई, घण-सिणे हाणुवेहे पलेहे, विसिह-तित्ति-घडयाई वडयाई, महुरिमगुणब्भहियाइं कढिय-दुद्ध-दहियाइं । एवं जं जं मिटं तं तं भुंजंतेण तेण पारद्धो रिद्धिव्वओ । 'सुहं सोयव्वं' ति बीयमुवएसं कुणंतेण तेण वुहिसीय-घम्मागम्मे हम्मे निम्म विओ विउलो कणयमओ पल्लंको । खित्ताओ तदुवरि सोवहाणाओ मत्तहंस-रूयतलीओ । सुयइ तासु सेच्छाए सुद्धो । न चिंतए धणज्जणं । 'दिन्नं न मग्गियव्वं'ति तईयमुवएसं कुणंतो सो न मग्गए कस्स वि पासे पुव्व-दिन्नं । एवं पि तुहए दव्वं । 'भज्जा बंधिऊण पिट्टियव्वा' ति चउत्थमुवएसं कुणंतेणं तेण कयाई कम्मि वि अवराहे कुविएण बाल-रज्जूए बंधिऊण नंदा तहा पिट्टिया जहा मोत्तूण तग्गिहं गया पिईहरं । तस्विरहे सच्छंदो परियणो वि विणासए दव्वं । 'दंतेहिं घरस्स वाडी कायव्व' त्ति पंचममुवएसं कुणंतेण महग्घे महंते दंति-दंते किणिऊण कराविया वाडी । एवं पि कओ दव्वव्वओ | 'गामे गामे घरं कायव्वं' ति छहं उवएसं कुणंतेण पारद्धाइं बहुयगामेसु गिहाइं । एवं जाओ दव्वव्वओ | 'गंगातलं खणियव्वं' ति सत्तमोवएस-करणत्थं अत्थं घेत्तूण गओ गंगातई, कम्मयरेहिं तो, खणावियं गंगातडं । जाओ सव्वहा निद्धणो । पत्तो निय-घरं । विमुक्को परियणेण । न मनिज्जइ जणेण । पावए पए पए पराभवं । विसन्नचित्तो पत्तो पाडलिपुत्ते पिउमित्तस्स सोमस्स पासं । दिद्वो मित्तेण मलिणजिण्ण-वत्थो दुत्थावत्थो सुद्धो । कयप्पणामो ससिणेहमालिंगिऊण सुहासणत्थो पुच्छिओ-वच्छ ! किमेवं दुग्गओ व्व दीससि ? | सुद्धेण वुत्तं-'अहं इमिणा कम्मेण जणओवएसे कुणंतो एयमवत्थं गओ ।'
For Private & Personal Use Only
Jain Education International
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |