________________
सुमइनाह-चरियं
૨૮૬ धरिय-छत्तो पुर-सुंदरीण तन्हाउरेहिं नयणेहिं पज्जंतो नच्चंत-रमणिचक्वं तेणेव कमेण मंदिरं पत्तो । उत्तरिऊण गयाओ जिणदत्तं जंपए सिटिं-'तुह गोवालेण मए एसो नयरम्मेि भामिओ हत्थी । एत्तो परं तब्भे खंभे अग्गलह गयमेयं' । तत्तो सेही गहिऊण अंकुसं 'हिज हिज' त्ति वागरइ । एक्वं पि पयं न चलइ । गओ सो विलक्खत्तं ।
दहुं इमं पहारं असंभवं देवपाल-देवस्स । सव्वे वि निवा आणं वहति सीसेण कुसुमं व ||१990।। कणयमयं पासायं जुगाइदेवरस कारिऊण इमो । जओ जिणधम्मपरो कालेण मओ गओ सुगइं ||११११||
गुरुणा विणा न सम्मं जाणिज्जइ उभय-भव-हियं कज्जं । तम्हा गुरुम्मि गरूओ बहुमाणो होइ कायव्वो ||१११२|| कहियं पि कुणंतो निय-मईए सुद्धो व्व दुक्खमणुहवइ । तं चेव कुणंतो गुरु-गिराइ सुहभायणं होइ ||१११३।। जंबुद्दीवे भरहे मज्झिम-खंडे अखंड-गुणपरमं । पउमपुरं नामेणं पायालपुरं व तायपयं ||१९१४||
तत्थ पउमरहो राया, जस्स असि-भिन्न-अरि-करि-कुंभत्थलगलिय-मुत्तिय-गणेण बीएण जणिया समर-भूमि-पडिएण कित्तिलया । तत्थ पउमं व पउमा-निकेयणं पउमो सेही । वयण विणिज्जिय-पउमा पउमसिरी से भज्जा पुश्व-भवारो विय-पुन्न-पायव-फलं विसय-सुहं भुजंताण ताण जाओ सुद्धो नाम पत्तो । समए कय-कलागहणो पत्तो जोव्वणं । परिणाविओ विसिट्ठ-वणिय-धूयं रइ-सरिस-रुवं जणियजण-मणाणंदं णंदं नाम ।
कयाइ परलोय-पह-पत्थिएण पउमेण वुत्तो पुत्तो- 'वच्छ ! निसामेसु ममोवएसे' | घेत्तूण संपुडं निविहो पुरउ पुत्तो । सिहिणा वुत्तं'मिडं भुंजियव्वं १ सुहं सोयव्वं २ दिन्नं न मग्गियव्वं ३ भज्जा बंधिऊण पिट्टियव्वा ४ दंतेहिं घरस्स वाडी विहेयव्वा ५ गामे गिहं कायव्वं । ६ गंगातलं खणियव्वं ७ पाडलि पुत्ते मम मित्तस्स सोमस्स पासे गंतव्वं ८ ।'
Jain Education International
For Private & Personal Use Only
www.jainelibrary.org
