________________
सुमइनाह - चरियं
तुट्ठमणो बहुमन्नइ तए फलं जीवियरस पत्तं ति । भाइ य अओ परमहं काहं परदार - परिहारं ||१९४९ पव्वतिहीसु इमासु अ विरइस्सं निय-कलत्त - नियमं पि । इय कय-नियमेहिं तेहिं कमेण पत्तं च संमत्तं || १५० ।। अह दुग्गिला विसेसुल्लसंत-सद्धा सयं तवं काउं । पूएइ पुत्थए सुयतिहिसु तद्दियह - वित्तीए || १९५१|| काण दो वि मरिउं सोहम्मे सुरवरत्तणं लहिउं । चईऊण दुग्गय जीवो जाओ सि तुमं अजियसेणो || १९५२ || एसा य दुग्गिला तुह सीलमई भारिया समुप्पन्ना । नाणाराहणवसओ विसिद्ध-मइभायणं जाया ||१९५३ || तो जाय - जाइसरणेहिं तेहिं भणियं- मुणिंद ! जं तुमए । अवखायं तं सच्चं तो एवं वागरेइ गुरु || १९५४ ||
जइ देसओ वि परिवालियरस सीलस्स फलमिणं पत्तं । ता कुह पयत्तं सव्वओ वि परिपालणे तस्स || १९५७ || तं सव्व-संग- परिहाररूव- दिक्खाइ होइ गहणेण । तेहिं भणियं - पसायं काउं तं देहि अम्हाणं || १९५६ | तो दिक्खियाइं दोन्नि वि गुरुणा संवेग - परिगय- मणाई | पालंति जावजीवं अकलंकं सव्वओ सीलं || १९५७ ।।
२८३
मरिऊण बंभलोयं गयाइं भोत्तूण तत्थ दिव्व-सुहं । तत्तो चुयाइं दोन्नि वि निव्वाणपयम्मि पत्ताई || १९५८ || जो विमल - सील - पालण समुज्जओ उज्जमं तवे कुज्जा । सो किं भन्नइ "इक्कं सीहो अन्नं व प्रक्खरिओ ? ।।१९५९।। जह कंचणस्स जलणो कुणइ विसुद्धिं मलावहरणेणं । जीवरस तहेव तवो कम्म-समुच्छेय-करण ||१६|| कम्माई भवंतर - संचियाइं तुहंति किं तवेण विणा ? | डज्झति दवानलमंतरेण किं केणवि वणाई ? || १९६१ || अगणिय-तणुपीडेहिं तित्थयरेहिं तवो सयं विहिओ । कहिओ तह तेहिं चिय तित्थयरत्तण- निमित्तमिमो ॥११६२||
Jain Education International
For Private & Personal Use Only
www.jainelibrary.org
