Page Text
________________
सुमइनाह-चरिय
૨૮૧
भो ! रसवई सव्वा वि होउ । तेहिं भणियं एवं होउ ति । आगया रसवई । रन्ना कयं भोयणं । तओ पुत्र्व - पउणीकयाई तंबोल - पुप्फविलेवण - वत्थाहरणाई जाई च चत्तारि लक्खाई इच्चाइ सव्वं पि होउ त्ति । ती य जंपिए खड्डा गएहिं जंपियं एवं होउ ति सव्वं दुक्कं । समप्पियं रन्नो | चिंतियं अणेण - अहो ! अउव्वा सिद्धी । जं खड्डा - समुडियं वयणाणंतरमेव सव्वं संपज्जइत्तिविम्हियमणेण पुट्ठा सीलमई- भद्दे ! किमेयमच्छेरयं ? ति । तीए वुत्तं देवं । मह सिद्धा चिडंति चत्तारि जक्खा । ते सव्वं संपाडंति । रन्ना वुत्तं - समप्पेहि मे जवखे जेण रसवईपमुहं ममावि अकिलेसेण संपज्जइ । तीए वृत्तं देव ! देवस्संतियं चेव सव्वं, तो गिण्ह जक्खे । तुट्ठो राया गओ नियावासं । तीए वि ते चच्चिया चंदणेण अच्चिया कुसुमेहिं चउसु चुल्लगेसु चत्तारि विक्खित्ता सगडे आरोविऊण वज्जंतेहिं तूरेहिं संझाए नीया रायभवणं । पभाए य अज्ज जक्खा भोयणाई दाहिंति त्ति निवारिया रन्ना सूअया । राइणो भोयण - समए सयं कुसुमाईहिं पूईऊण चुल्लगाई भणियं - 'रसवई होउ' । चुल्लग - गएहिं वुत्तं एवं होउ ति । जाव न किंपि होइ, रन्ना विलक्खवयणेण उग्घाडियाइं चुल्लगाई । दिडा छुहा सुसियत्तणेण पणड-मंससोणिया फुडोवलक्खिज्जमाण- अहि-संचया पयड दीसंत-नसाजाला गिरिकं दर-सोयरोयरा "खामक वोला मिलाण-लोयणा असंसत्तसीयवायत्तणेण विच्छाय - कायच्छविणो विसन्न-चित्ता पयाव - चत्ता चत्तारि जणा । अहो ! न हुंति एए जक्खा, किंतु रक्खस त्ति भणतेण भणिओ अणेहिं राया-देव ! न जक्खा न रक्खसा अम्हे, किंतु कामंकुराइणो तुह वयंसयत्ति जंपंता पडिया पाएसु । रन्ना वि सम्मं निरूवं तेण उवलक्खिऊण भणिया सविम्हयं भद्दा ! कहं तुम्हाणं एरिसी अवत्था
-
या ? | हिं पि कहिओ जहा - वित्तो वुत्तंतो । हक्कारिऊण रन्ना 'अहो ते बुद्धि - कोसल्लं ! अहो ते सील-परिपालण पयत्तो ! अहो ते विवेयसारया ! अहो ते उभयलोय-भयालोयणप्पहाणय ! त्ति सलाहिया सीलमई, वुत्तं च अमिलाण - कुसुममाला- दंसणेण पयडं पि ते सीलमाहप्पं । असद्दहंतेण मए चेव इमे पद्वविया, तो न कायव्वी कोवो त्ति खमाविया । तीए वि धम्मदेसणं काऊण पडिबोहिओ राया । रायनम्मसचिवा य कराविया सव्वे परदार- निवित्तिं । खमाविया विसेसओ कामंकुराइणो रण्णा य । सक्कारिया सीलमई गया सद्वाणं ।
For Private & Personal Use Only
Jain Education International
•
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |