________________
सिरिसोमप्पहसूरि - विरइयं नवरं इमो वि कीरइ जइ लब्भइ मग्गियं धणं कह वि । उच्छिदं पि हु भत्तं भक्खिज्जइ नेह- लोहे ||११३८ || तीए वुत्तं मग्गसि कित्तियमेत्तं धणं तुमं भद्दे ? | सीलमई जंपइ अदलक्खमिहि समप्पेउ || १९३१|| गहिऊण अद्ध-लक्खं निसाए पंचम - दिणे सयं एउ | जेण अपुव्वं वियरेमि रइ सुहं तस्स सुहयस्स || १९४० ।। तीए कहियमेयं असोगस्स । तेणावि समप्पियं अद्ध-लक्खं । सीलमईए वि गूढओ अप्प - पच्छन्न- पुरिसेहिं खणाविआ खड्डा । ठाविआ तीए उवरि वर- वत्थ- पच्छाइआ अवुणिय - खट्टा । पंचम - दिण - रयणीए दाऊण अद्ध- लक्खं आगओ असोगो । निविट्ठो खट्टाए । धस त्ति निवडिओ खुड्डाए । सीलमई वि तस्स दयाए दिणे दिणे देइ दोरबद्धसरावेण भोयणं ।
૨૮૦
इओ य मासे पुन्ने अरिमद्दण-नरिंदेण भणिया नम्ममंतिणो किं नागओ असोगो ? । तेहिं वुत्तं न याणीयइ कारणं । रइकेलिणा वुत्तंदेह ममाएसं जेणाहं साहेमि सिग्धं चेव चिंतियत्थं । रन्ना बहुं दव्वं अप्पिऊण विसज्जिओ सो | आगओ नयरे । सो वि लक्खं दाऊण तहेव 1 निविडो खट्टाए | "निवडिओ खड्डाए । एवं ललियंगय- कामंकुरा वि लक्खं लक्खं दाऊण पडिया खड्डाए । असोग [गाइ सकम्मेण ] कमेण चेव ससोगा चिद्वंति । अरिमद्दण- नरिंदो वि वसीकाऊण सीहरहं समागओ निय - नयरं । भणिया य सीलमई कामंकुराईहि
जे अप्पणी परस्स य सत्तिं न मुणंति माणवा मूढा । वर - - सीलवंति जं ते लहंति तं लद्धमम्हेहिं || १९४१ ||
-
ता दिहं तुह माहप्पं । सिद्धा अम्हे । करेहि पसायं । निस्सारेहि एक्कवारं नरयाओ व्व विसमाओ इमाओ अगडाओ । तीए वृत्तं - एवं करिस्सं जइ मह वयणं करेह । तेहिं वुत्तं - समाइस जं कायव्वं । तीए वुत्तं - जयाहं एवं होउ ति भणेमि तया तुब्भेहिं पि एवं होउ त्ति वत्तव्वं । पडिवन्नमणेहिं । तीए वुत्तो मंती- निमंतेहि रायाणं । तेण तहेव कयं । आगओ राया । कया पडिवत्ती । तीए य पच्छन्नं कया भोयणाइ सामग्गी । रन्ना चिंतियं-निमंतिओ हं ताव न दीसए भोयणोवक्कमी को वि । ता किमेयं ? ति । तीए य खड्डाए काऊण कुसुमाईहिं पूयं, भो
Jain Education International
For Private & Personal Use Only
www.jainelibrary.org
