________________
२७१
सुमइनाह-चरियं
तं सोउं नरनाहो "विम्हिय-हियओ गए अजियसेणे । निय-नम्ममंति-मंडलमालवइ वियारसारमिणं ।।११२७।। जं अजियसेण-सचिवेण जंपियं तं किमेत्थ संभवइ ? | कामंकुरेण वुत्तं कत्तो सीलं महिलियाणं ? ||११२८।। ललियंगएण भणियं सच्चं कामंकुरो भणइ एयं । रइकेलिणा पलत्तं देवस्स किमित्थ संदेहो ? ||११२९।। भणियमसोगेणं पहवेसु मं देव ! जेण सीलमइं । वियलिय-सीलं काउं देवस्स हरामि संदेहं ।।११३०।। तो नरवइणा एसो आइहो अप्पिऊण बहु-दव्वं । पत्तो य नंदणपुरे सीलवईए गिहासन्ने ||११३१|| गिण्हइ गेहं गख्यं कंठ-पघोलंत-पंचमुग्गारो । किन्नरगीयाण गुणं गायइ गीयं गवक्ख-गओ ||११३२|| पयडिय-उज्जल-वेसो पलोयए साणुराय-दिडीए । निच्चं पयासए चाय-भोग-दुल्ललियमप्पाणं ||११३३।। एवं बहुप्पयारे कुणइ इमो चेहिए तओ एसा । चिंतइ नूणं मह सील-खलणमिच्छइ इमो काउं ||११३४|| फण-फणि-रयणुक्खणणं व जलण-जालावली-कवलणं व ।
केसरि-केसर-गहणं व दुक्करं तं न मुणइ जडो ||११३५।।
पेच्छामि ताव कोउगं ति चिंतिऊण पयट्टा तं पलोइउं । असोगो वि सिद्धं मे समीहियं ति मन्नंतो पहवेइ दूई ।
भणिया य तीए सीलवई- भद्दे ! कुसुमं व थेवकाल-मणहरं जोव्वणं, ता इमं विसय-सुहासेवणेण सहलं काउं जोतं । भत्ता य तुह रना समं गओ । एसो य सुहओ तुमं पत्थेइ । तीए चिंतियं-सुहओ त्ति सुहु हओ वराओ जं एरिसे पावे पयट्टइ । दूईए भणियं
पसयच्छि ! पसीयसु मयण-जलण-जाला-कलाव-संतत्तं । निययंग-संगमामयरसेण निव्ववसु मम गत्तं ||११३६|| सीलमईए वुत्तं जुत्तमिणं किंतु परपुरिस-संगो । कुल-महिलाण अजुत्तो दन्व-पसंगो व्व साहूण ||११३७।।
Jain Education International
For Private & Personal Use Only
www.jainelibrary.org
