________________
पुण पहरिउं
सिरिसोमप्पहसूरि - विरइयं । गओ रायसहाए सो । कहियं पुव्वुत्तं । तुहो राया कओ अणेण सव्व-मंतीण सिरोमणी ।
૨૭૮
अन्नया तस्स रायस्स विउत्थिओ सीहरहो पच्चंतो राया । तस्सोवरिं चलंत - मत्तमयगल- मयजलासार- सित्त-महियलो, तरल - तुरयखुरक्खय-खोणि- रेणु - घण- पडलापूरिय नहंगणी, संचरंत रहसि हरधवल - धयवडाया - बलायापंति-मणहरो, गहिर- वज्जिराउज्ज - गज्जि - जज्जरिय- बंभंड - भंडोयरो नव- पाउसो व्व चलिओ राया । अजियसेणी य दिट्ठो सीलमईए चिंताउरो, पुच्छिओ चिंताए कारणं । तेण वृत्तं - गंतव्वं मए रन्ना समं । तुमं घेत्तूण वच्चंतरस मे घरं सुनं । तहा जइ वि तुमं अक्खलिय-सीला तह वि एगागिणी गिहे मोत्तूण वच्चंतस्स न मे मणनिव्वुई । अओ चिंताउरो म्हि । सीलमईए वुत्तं
1
जलणो वि होइ सिसिरो रवी वि उग्गमइ पच्छिम- दिसाए । मेरु- सिहरं पि कंपइ उच्छल्लइ धरणिवीढं पि || १९१८|| जायइ पवणी वि थिरो मिल्लइ जलही वि नियय-मज्जायं । तह वि मह सील-भंगं सक्को वि न सक्कए काउं ||१8१8|| तह वि तुमं मण - निव्वुइ - हेउं गिण्हसु इमं कुसुममालं । मह सील - पभावेण अमिलाण च्चिय इमा ठाही || १९२०|| जइ पुण मिलाइ तो सील खंडणं निम्मियं ति जंपंती । सा खिवइ निय-करेहिं पइणो कंठे कुसुममालं || १९२१|| तो अजियसेण-मंती सीलमई मंदिरम्मि मुत्तूण | निव्वुय-चित्तो चलिओ सह अरिमद्दण- नरिंदे ||११२२ || अणवरय-पयाणेहिं तम्मि पएसम्मि नरवई पत्तो । जत्थ न हवंति कुसुमाई जाई - सयवत्तियाईणि || १९२३ || दहूण कुसुममालं अमिलाणं अजियसेण-कंठम्म । तं भणइ निवो कत्तो तुह अमिलाणा कुसुममाला ||१९२४|| अच्छरियं गरुयमिणं "मए गवेसावियाई सव्वत्थ । निय - पुरिसे पडविडं तह वि न पत्ताइं कुसुमाई || १९२५ || जंपइ मंती जा मह पियाइ पत्थाण-वासरे खित्ता । मिलाइ तीए सीलप्पभावेण || १९२६।।
सच्चिअ माला न
For Private & Personal Use Only
Jain Education International
www.jainelibrary.org
