________________
सुमइनाह-चरियं
૨૭૩ [३. शीले शीलवती-कथा] अस्थि इहेव जंबुद्दीवे दीवे भारहे वासे वासवपुरं व विबुहजणाणंदणं नंदणपुरं नयरं, तत्थ दरियारि-करि-कुंभत्थल-दलणसमुच्छलिय-मुत्ताहलच्चिय-रणंगणो अरिमद्दणो राया, तत्थ दया-दाणदक्खिन्नाइ-गुण-रयण-रयणायरो रयणायरो सेही ।
तस्स निय-सरीर-सुं देर-गुण-विणिज्जिय-सिरी जयसिरी भारिया । ताणं च पुव्वभवोवज्जिय-पुन्नपब्भार-पाउब्भवंत-सयलसमीहियत्थाणं पंचप्पयारं विसय-सुहमणुहवंताणं वच्चंति वासरा, केवलं निरवच्चत्तण-दुहं दूमेइ मणं सेहिणो' ।
अन्नया भणिओ भज्जाए- अज्जउत्त ! अस्थि एत्थेव नयरुज्जाणे अजियजिणिंद-मंदिर-दवारदेसे अजियबला देवया । सा य अपुत्ताण पुत्तं, अवित्ताण वित्तं, अरज्जाणं रज्जं, अविज्जाण विज्जं, असोक्खाण सोक्खं, अचक्खूण चक्, सरोयाण रोयक्खयं देइ खिप्पं | किं बहुणा ? जं जस्स समीहियं तं तस्स वियरइ, तो तुमं पि किमेवमुव्वेयमुव्वहसि ? कुणसु तीए उवाईयं जेण चिंतियत्थ-सिद्धी होइ । सेहिणा भणियं-पिए ! सुह सुमरावियं तए । तओ सो एहाय-विलित्तो सेय-दुकूल-निवसणो सपरियणो पूओवगरणं गहाय गओ जिण-भवणं, कया अजियसामिणो पडिमाए घण-घुसिण-घणसार-सिरिखंड-कत्थूरिया-अगुरु-कुसुमाईहिं ण्हवणच्चणाइ-महिमा | समागओ अजियबलाए अग्गओ सेट्ठी । तं च तहेव अच्चिऊण भणियमणेण-भयवइ । जइ तुह पसाएण मह पुत्तो भविस्सइ ता अहं जिणधम्मपरो ते महंत-भत्तिं करिस्सं । तुह संतियं च नामं पुत्तस्स दाहामि त्ति । तप्पभिई च पाउब्भूओ गब्भो घरिणीए । जाओ कालक्कमेण पुत्तो । कयं वद्धावणयं । पुल्ने य मासे कया महया विच्छड्डेणं जिणभवणे जत्ता । अजियजिणस्स अजियबलाए य चलणाणं पुरओ "मोत्तूण पृत्तं तस्स कयं अजियसेणो त्ति नामं | तप्पभिइं च जाओ जिणधम्म-परायणो सेही । सह जणय-मणोरहे हिं वुड्डिमुवाग ओ अजियसेणो । सो य सिक्खिय-कला-कलावो लावन्न - लच्छि-संपन्नं पवन्नो तारुल्नं । तस्स य सयल-जणब्भहियं रुवाइ-गुणगणं पिच्छिऊण चिंतियं "से हिणा-'जइ एस मह नंदणो निय-गुणाणुरुवं कलत्तं न लहइ, ता इमस्स अकयत्था गुणा । जओ
Jain Education International
For Private & Personal Use Only
www.jainelibrary.org
