________________
૨૭૨
सिरिसोमप्पहसूरि - विरइयं भाइ निवो देवि ! इमम्मि जम्म- जर मरण - पमुह - दुह - बहुले । मज्झ भवे निंब - दुमे व्व सव्वकटुए रमइ न मई || १८१८ || ता वज्जिऊण रज्जं परलोय-हियं अवस्स कायव्वं । जं उभय- लोय - सहलं सलहिज्जइ माणुस जम्मं || १८९९ ।। एत्तो य तस्स पडिबीह- समयमवगच्छिऊण चउनाणी । नामेण अमरतेओ समागओ तत्थ आयरिओ || १9001
कहिओ पुरोहिणं तो हरिसवसुल्लसंत- रोमंचो | सह मयणमंजरीए तन्नमणत्थं गओ राया ||१९०१ ||
कहिओ गुरुणा धम्मो गंठि- विभेएण परिणओ ताण । वेरग्गाइसएण य संजाओ चरण - परिणामो ||११०२ ।। जिणभवण-संघपूया पुव्वं ठविऊण निय-सुयं रज्जे । देवीए सह पवन्नो राया दिक्खं गुरु- समीवे ॥। ११०३ || परिवालिय-सामन्नो काउं तिव्वं तवं गओ सग्गं । तह अपरिवडिय - धम्मो नर- सुर- रिद्धीओ भोत्तूण || १९०४ || अविउत्तो देवीए वसुतेओ सत्तमे मणुय - जम्मे । विहिदाण-धम्मबीय- प्पभावओ सिद्धिमणुपत्ती || १९०५ || सीलजुयाणं दाणं दितो जो पालए सयं सीलं । तेणं सोहग्गोवर संपत्ता मंजरी नूणं || १९०६ ||
जलणो वि जलं जलही वि गोप्पयं पव्वओ वि समभूमी । भुयगो वि कुसुममाला विसं पि अमयं सुसीलाण || १९०७ ।। तियसा वि सीलकलियं नमंति भिक्खायरं पि भत्तीए । निय सेवया वि वसुहाहिवं पि मुंचति चूयसीलं ||११०८ || सलहिज्जंति जणेहिं विसुद्धसीला मया वि आचंदं । गरहिज्जति पुणो सीलवज्जिया जीवमाणा वि || १९०१ || विप्फुरइ ताण कित्ती लहंति ते सग्ग- मोक्ख सोक्खाई । सीलं ससंक- विमलं जे सीलवइ व्व पालंति ||११||
तहाहि
Jain Education International
For Private & Personal Use Only
www.jainelibrary.org
