________________
२७०
रायसुयाए धावी समागया तं जलं गहेऊण | कुमरो जंपइ पढमं मंगलरायरस उवणेहि ||१८७०|| कुमरो महाणुभावो त्ति चिंतयंतीए तीए उवणीयं । तत्तो मंगलराओ खणेण जाओ पउण - देहो ||१८७१ ॥ अवयारपरे वि परे कुणंति उवयारमुत्तमा नूणं । सुरहेइ चंदण - दुमो परसु मुहं छिज्जमाणो वि || १८७२ || तत्तो नंदण - पमुहा सुहडा पउणीकया बल - दुगे वि । तेणं चिय सलिलेणं पच्छा वसुतेय कुमरो वि || १८७३ || संपूईऊण मुक्को मंगलराओ इओ य वसुतेओ । घेत्तूण मयणमंजरिमुवागओ एत्थ सागेए || १८७४ || अह " गुरुय - विभूईए परिणीया मयणमंजरी तेण । उप्पन्नो वीसंभो संभोएंताण दोन्हं पि ।। १८७५ ।। जाओ कमेण पुतो तो नत्तुय-वयण दंसण- कयत्थो । सिरितेओ तं रज्जे ठविऊण तवोवणं पत्तो ||१८७६ ||
सिरिसोमप्पहसूरि - विरइयं
-
जाओ महा- नरिंदो वसुतेओ तेय तुलिय- दिणनाहो । पणमंत - पउर- पत्थिव-मत्थय-मणि-लीढ- पयवीढो ॥। १८७७।।
Jain Education International
अह अन्न- दिणे रनो कणगमय- गवक्ख- सन्निसन्नस्स । केसे विवरंतीए देवीए पलोइयं पलीयं || १८७८ || भणियं च देव दूओ समागओ तो पलोयइ दिसाओ । वसुतेय - महीनाहो ससंभमं तार- तरलच्छी ||१८७१ || तो मयणमंजरीए भणियं बहु- समर-लद्ध - विजओ वि । किं दूय-समागम-सज्झसेण जाओ सि तरलच्छी ||१८८०।। हसिऊण भणइ राया नाहं जाओ भएण तरलच्छो । किंतु तुमं जं पिच्छसि अहं न पेच्छामि दूयमिणं || १८८१|| न य पुव्वमकहिओ को वि मज्झ पासं समुल्लिउं लहइ । न य तुझ देवि दिट्ठी मह दिट्ठीए विसिद्वयरा ||१८८२|| एएण हेउणा हं कुऊहलाउलिय- लोयणो जाओ ।
सा भाइ नाह नाहं मणुस्स दूयं तुह कहेमि || १८८३ ||
For Private & Personal Use Only
www.jainelibrary.org
