________________
રદ
सुमइनाह-चरियं
कुमरो जंपइ मा होह ऊसुया दप्प-दूसहा सुहडा । पेसिज्जउ पढमं को वि रायनीइ ति से दूओ ||१८५६।। दूयस्स साम-वयणेहिं हेउ-दिहंत-जुत्ति-जुत्तेहिं । कहमवि मंगलराओ जइ बुज्झउ वराओ जा ||१८५७।। मरइ गुलेण वि तस्स देज्ज को नाम कालकूड-विसं । इय मंतिऊण दूओ मंगलरायस्स पट्टविओ ||१८५८।। तेणावि तत्थ गंतुं मंगलराओ पयंपिओ एवं । वसुतेय-कुमारो रायपुत्त ! आणवइ नेहेण ||१८५१|| मलिणिज्जिइ जेण कुलं कलुसिज्जइ कुंदसुंदरा कित्ती । कवलिज्जइ गुण-निवहो कुणंति सुविणे वि तं न बुहा ।।१८६०।। अविभाविऊण रागंधबुद्धिणा आयइं तए भद्द । अवहरिया मज्या पिया अप्पिज्जउ नत्थि ते दोसो ||१८६१|| तह सिक्खवेमि अहमवि रत्ते 'रच्चिज्जइ ति जुत्तमिणं । जं पुण विरत्तचित्ते रमइ मणं तं जणो हसइ ।।१८६२।। वसुतेए रत्ता मयणमंजरी कमलिणि व्व सूरम्मि । तुज्झ पओसरस व संगमं पि पमिलाइ कमलमुही ||१८६३|| न य पडिवन्नं नय-संगयं पि वसुतेय-सासणं तेण । थेवमिणं ति सहरिसो सो दुक्को कुमर-सेन्नस्स ||१८६४।। थेव-दलेण वि गुरु-विक्कमेण कुमरेण निजिउं बद्धो । पबलो वि अरी जम्हा धम्मेण जओ न पावेण ||१८६५|| अह लग्ग-गुरु-पहारं वसुतेयं मयणमंजरी दहुं । गहिया हरिस-विसाएण सायरं साहए एवं ।।१८६६।। एतो य नाइ-दूरे तवोवणे तावसीइ हत्थम्मि । एगावली मए नाह अप्पिया देवया-दिण्णा ||१८६७।। ता तीइ इमो समओ त्ति जंपिओ साहिओ पभावो से । भणियं कुमरेण पिए सा मज्ा समप्पिया तीए ।।१८६८।। सा तेण दंसिया मयणमंजरीए समप्पिया तह य । पुव्व-कहिओ पओगो कओ य तीए जले खिविउं ||१८६१।।
Jain Education International
For Private & Personal Use Only
www.jainelibrary.org
