________________
૨૬૮
सिरिसोमप्पहसूरि-विरइयं भणियत्थविवज्जासो वि किं न सुव्वइ चिरंतण-कहासु । न य दिहो वसुतेओ तुमए मयणो व्व ख्वेण ||१८४२।। तो मंगलरायमिमं तत्तो सुंदरयरं तुमं भणसि । कणगाओ मणहरं रीरियं पि जइ भणसि ता भणसु ।।१८४३।। ता भणिएण अलं ते अत्था वि य मणहरत्तणं वयसु । वसुतेएणं चिंतियमहो मणं मे पिययमाए ||१८४४।। ता किं कहेमि अप्पाणमहव एयं न जुज्जए जम्हा । एगागि त्ति इमीए होइ दुहं थी-सहावेण ||१८४५|| इय चिंतिऊण भणियं-सुयणु ! मए लक्खियं न तुह चित्तं । मरिसेउ सुंदरी ता सिज्ाउ तुह वंछियं कज्जं ||१८४६।। अहवा समीहियं आगिईई एयाइ सिज्झाए चेव ।। एत्तो य साहणं साहणं ति तुमुलो समुच्छलिओ ||१८४७।। एगेण पुच्छियं करस संतियं साहियं च अवरेण । वसुतेय-राय-पुत्तरस एयमह चिंतए कुमरो ||१८४८।। पत्ता नंदण-पमुह त्ति जंपए रायपुत्ति ! भव धीरा । जायं समीहियं हिय-नंदणो आगओ तुज्झ ||१८४१।। अहयं पि तप्पउत्तो तुह-प्पउत्तिं गदेसिउं पत्तो । वच्चामि त्ति भणंतो विणिग्गओ वामणो तत्तो ||१८५०।। तो अज्जउत्त-संबंधि-जणो त्ति विलिया मणम्मि रायसुया । निय-साहणस्स मिलिओ वसुतेओ नियय-रूवेण ||१८५१।। कहिओ निय-सुहडाणं नंदण-पमुहाण तेण वुत्तंतो । जंपति कयंतभड व्व ते वि कोवुब्भडा एवं ||१८५२|| कुविओ तस्स कयंतो जग्गवियं(ओ) तेण केसरी सुत्तो । तेण विसविसम-विसहर-फण-मणिणो वाहिओ हत्थो ||१८५३।। तेणऽप्पा पबल-जलंत-जलण-जालावईए पविखत्तो । जेणऽम्ह सामि-दईया अवहरिया राय-विवसेण ||१८५४।। ता चलह इमं हंतुं काल-विलंबो न जुज्जए काउं । रोगा खला य खेमं न कुणंति अणुक्खया खिप्पं ।।१८५५।।
For Private & Personal Use Only
Jain Education International
www.jainelibrary.org
