________________
सुमइनाह - चरियं
रुवपरिवत्तिणीए विज्जाए वामणो इमो जाओ । कुड्डावणो त्ति दासीहिं दंसिओ रायकन्नाए ।।१८२८ ।।
पुव्वभवब्भास-समुल्लसंत-हरिसाए पुच्छिओ तीए । कत्तो तुमं ति तेण वि भणियं सागेय- नयराओ || १८२१ || ससुरकुलाओ पत्तो त्ति हरिसिया मयणमंजरी चित्ते । पुणरवि वाहिज्जइ दइय- विरह - संताव-पसरेणं ॥ १८३०|| भणिया य तेण किं रायपुत्ति ! लक्खिज्जसे विसण्ण व्व । दीहं नीससिऊणं पयंपियं रायकन्नाए ||१८३१||
मज्झ विसायकहाए अलं महाभाग ! मंदभग्गाए । तो बाह-दुद्दिण-मुही सगग्गया झत्ति संजाया ||१८३२|| वामणगेणं चिंतियमेस विसाओ इमीए मज्झ कए । वामणत्तणेण कामस्स तह वि जंपियमिणं तेण || १८३३|| मा वच्च विसायं रायपुत्ति ! तुह वइयरो मए निसुओ । वसुतेयस्स तुमं जं दिन्ना तुह जणणि जणएहिं |१८३४|| मंगलराएणं पुण अवहरिया अंतरा पहे जंती । जुत्तं इमं पि मन्ने इमो न सामन्न- पुरिसो त्ति || १८३५|| निरुवायमिणं कज्जं च एवमिमिणा अवस्स होयव्वं । सुव्वइ पुराण- कहासु एवमित्थीण परिणयणं ||१८३६ || किं च मए वसुतेओ दिहो सुंदरयरो इमो तत्तो । ता सुंदरतर - लाभो न विसायकरो विवेगीण || १८३७|| इय चिंतिऊण वच्चसु हरिसं ति पयंपिरम्मि वामणगे । रोस - फुरियाहरा मयणमंजरी जंपए एवं ||१८३८|| सागेयाओ तुममागओ त्ति तह वामणंगधारि ति । कन्न - कडुयं पि सुव्वइ तुज्झ मए एत्तियं वयणं || १८३१ || जं च न सामन्न-नरो मंगलराओ त्ति सच्चमेयं ति । किं सामन्न - नरो वि हु पयट्टए इय अणायारे ॥। १८४०|| कह व निस्वायमेयं निमेस मित्तेण जं चइज्ज॑ति । पाणा तणं व ता कहमवरसमेवं इमं होइ || १८४१ ||
For Private & Personal Use Only
Jain Education International
૨૩
www.jainelibrary.org
