________________
૨૬૬
सिरिसोमप्पहसूरि-विरइयं वसुतेय-कुमर-घरिणि त्ति मन्नए सहलमत्तणो जम्मं । साहियमिमीय सव्वं सवित्थरं निय-वयंसीणं ।।१८१४|| ताहिं पि जणणि-जणयाण साहियं ते वि हरिसिया हियए तेहिं पेसिया तीए दायगा निय-पहाणनरा ||१८१५||" वसुतेय-पिउ-जणेण य इमीए वरगा तहेव पहविया । एगेहिं सबहुमाणं दिण्णा अवरेहिं पडिवण्णा ||१८१६।। मुणिओ इमो वइयरो मंगलराएण मयण-विहुरेण । गच्छंति गिहिस्सं ति चिंतिउं सज्जिया धाडी ॥१८१७।। अह सा विच्छड्डेणं परिणयणत्थं पिऊहिं पहविया । देव्व-वसेणं पत्ता मंगलरायरस धाडीए ||१८१८|| काऊण रणं अविभाविऊण निय-जोग्गयं इमा बाला | गहिया मंगलराएण रयणमाल व्व काएण ||१८११।। सो वच्चंतो आसमपयम्मि आवासिओ तओ तत्थ । दहण तावसिं मयणमंजरी रहसि नेऊण ||१८२०।। नमिउं निय-वृत्तंतं कहिउं अब्भत्थिऊण रोवंती । एक्लावलिं सदुक्खं समप्पए तावसी-हत्थे ॥१८२१।। भणियं च तीए उचियस्स एयमप्पेज्जसु त्ति सप्पणयं । उवरोहसीलयाए पडिच्छिया तावसीए इमा ||१८२२|| वोलीणं तं दियह अह बीय-दिणम्मि देव्व-जोगेण | तुरगेणं अवहरिओ समागओ तत्थ वसुतेओ ||१८२३।। दिहो य तावसीए महाणुभावो त्ति लक्खिओ एसो । विहिया गुरु-पडिवत्ती उचिओ एगावलीए त्ति ||१८२४|| उवणीया तस्सेसा पडिच्छिया तेण पुच्छिया य इमा । कत्तो एस त्ति सदुक्खमक्खिओ वइयरो तीए ||१८२५|| तं सोउं वसुतेओ अहो असच्चरियमेयमेयस्स । कुविओ राढाहिव-नंदणस्स लग्गोऽणुमग्गेण ||१८२६।। सो मिलिओ अडवीए चिंतियमेएण ताव पेच्छामि । राय-सुयाए चित्तं तओ करिस्सं जहाजोत्तं ||१८२७।।
Jain Education International
For Private & Personal Use Only
www.jainelibrary.org
