________________
सुमइनाह-चरियं
૨૬૩ तीए च्चिय रयणीए अणाइ दिहो मुहेण पविसंतो ।। सुविणम्मि रयण-रासी निय-तेयप्पसर-हय-तिमिरो ||१७१२।। दहण सुह-विउद्धाइ साहिओ पिययमस्स विहि-पुव्वं । भणिया अणेण सुंदरि ! तेयस्सी ते सुओ होही ।।१७७३।। तीए पडिस्सुयं तं लदो रन्ना दिणम्मि तम्मि निही । समयम्मि समुप्पन्नो देवीए दोहलो एवं ।।१७७४|| परितोसियऽत्थिवग्गा कीलामि नई-तडेसु सह रब्ला । सो पूरिओ निवेणं धन्नाणं न दुल्लह किंपि ||१७७५|| कीलंताणं ताणं च नाइदूरे नई-तडी पडिया । तत्थ मणि-कणय-पुन्ना उम्मिंठा कलस-संघाया ||१७७६|| गब्भो महप्पभावो त्ति विम्हयं उवगओ जणो सव्वो । समयम्मि सा पसूया जाओ तणओ भवणतेओ ||१७७७।। कयमुचियं करणेज्जं मासे पुलम्मि निम्मियं नामं । वसुतेओ त्ति निवेणं सम्माणिय-सयल-लोएणं ।।१७७८।। देहोवचएण इमो कलाकलावेण तह य वहंतो । रमणीयण-माण-मडप्प-मोडणं जोव्वणं पत्तो ||१७७१।। सा तस्स पुव्वघरिणी कोसंबीए पुरीए पवराए । जुगबाहु-निव-पियाए विमलवईए सुया जाया ||१७८०।। तत्तो अ कयं मयणमंजरि त्ति नाम इमीए जणएहिं । सिक्खिय-कला-कलावा सा वि ह जोव्वणमणुप्पत्ता ||१७८१|| अह 'राढाहिव-जयमंगलस्स पुत्तेण रूवजोत्तेण । मंगलराएण कया पुच्छिओ मागहो एक्लो ।।१७८२।। देसतंराइं तुमए भद्द ! भमंतेण किं पि जइ दिहं । कन्ना-रयणं ता कहसु तेण भणिओ' सुण कुमार ! ||१७८३।। कोसंबी-नयरीए जुगबाहु-नरिंद-नंदिणि-मिसेण । केणावि हेउणा का वि सुरवहू एत्थ अवयरिया ||१७८४|| जीए विरहे सुरिंदो नयण-सहस्स-छलेण उव्वहइ । मयणग्गि-तत्तमंगं निव्वविउं नलिण-पत्ताई ॥१७८५।।
Jain Education International
For Private & Personal Use Only
www.jainelibrary.org
