________________
૨૬૨
सिरिसोमप्पहसूरि-विरइयं महया वि हु जत्तेणं बाणो आसन्न-लक्खमहिगिच्च । मुक्को न जाइ दूरं इय आसंसाए दाणं पि ||१७५१।। मोक्खत्थं जं दाणं तं पइ एसो विही मुणेयव्वो । अणुकंपा-दाणं पुण जिणेहिं कत्थ वि न पडिसिद्धं ।।१७६०।। जं भावेण विसुद्धं पत्ते थेवं पि दिज्जए दाणं । होइ सुदत्तस्स व तं महल्ल-कल्लाण-संजणयं ।।१७६१।।तहाहि
[२. विधि-दाने सुदत्त-कथा] अत्थि पुरं सागेयं जं निच्चं धणय-लक्ख-कयसोहं । एक्वेणं चिय धणएण भूसियं हसइ अयल(अलय)पुरिं ||१७६२।। तस्सिं सुदत्त-नामो कम्मयरो पयइभद्दओ आसि । दाणरुई सो निच्चं खिज्जइ अधणो त्ति चित्तेण ||१७६३|| हयविहिणो दुविलसिय-दुर्ग पि एयं विडंबणा बीयं । किविणाण धणं तह निदणाण दाणम्मि जं वंछा ||१७६४|| सो कहाणयणत्थं वच्चइ दरम्मि भोयणं गहिउं । दाऊण किंचि कस्सइ तं भुंजइ दाणसीलो त्ति ||१७६५।। अह अन्न-दिणे दिहो पडिमा-पडिवनगो रिसी तेण । जाओ से बहमाणो वीसमिओ तत्थ स मुहत्तं ||१७६६|| भिक्खाए रिसी चलिओ उवणीया तस्स तेण तो भिक्खा | उवओग-सुदि-पुव्वं पडिच्छिया तेण सा मुणिणा ।।१७६७।। तो हरिसिओ सुदत्तो मन्नइ हियए कयत्थमप्पाणं । घरमागएण तेणं कहियमिणं नियय-घरिणीए ||१७६८|| अणुमोइयं इमीए तए फलं जीवियरस पत्तं ति । तं भावंताण ताणं को वि कालो अइक्वंतो ||१७६१।। अह मरिऊण सुदत्तो साकेए एत्थ चेव नयरम्मि | निय-तेय-पसर-निज्जिय-रविणो सिरितेय-नरवइणो ||१७७०।। भाणुमई-देवीए निसग्ग-सोहग्ग-संगयंगीए । कुविखम्मि समुप्पल्लो सिप्पउडे मोत्तिय-मणि व्व ||१७७१।।
Jain Education International
For Private & Personal Use Only
www.jainelibrary.org
