________________
૨૬૪
सिरिसोमप्पहसूरि-विरइयं तं सोऊणं मंगलराएण वियंभियाणराएण | मग्गाविया सपणयं सा कल्ला नियय-पुरिसेहिं ।।१७८६।। अवसउणो ति न दिन्ना रन्ना जुगबाहुणा तओ बाला । वर-भत्तार-निमित्तं आराहइ रोहिणिं देविं ||१७८७|| कुणइ नियमोववासे सुदुक्करे सुयइ भूमि-सयणिज्जे । निच्चं जवेइ पुरिसाणुराय-संवायणं मंतं ||१७८८।। अच्छइ अ नागवल्ली-आलिंगिय-पूग-पायव-तलम्मि । इय किच्च-निच्चलाए कयवइ(कइवय) दियहा अइक्वंता ||१७८१।। अह सागेए नयरम्मि मंतगोतो ति साहगो पत्तो । बिल्लाइहोममेसो करेइ पुरपरिसरुज्जाणे ||१७१०।। वसुतेएणं वर-तुरय-वाहणत्थं गएण सो दिहो । जं तस्स न संपज्जइ तं दिज्जह एवमाइहं ||१७११|| तं पुच्छिऊण तत्तो सव्वं संपाडियं निउत्तेहिं । वरिसम्मि गए पुणरवि वसुतेएणं इमो दिहो ||१७१२|| अज्ज वि न होइ सिद्धि त्ति कोउगेणं गओ तया तम्मि । नमिउं कुमरो तं भणइ भद्द ! किं साहसि तुमं ति ||१७१३।। सो भणइ जक्खिणिमहं कुमार ! परमेसरि पसाहेमि । कुमरेण वुत्तमित्तिय-कालेण वि सिज्झाए किं न ? ||१७१४|| उत्तमसिद्धी खु इमा कह सिजाइ इत्ति साहगो भणइ । वसुतेएणं भणियं बिल्लाइं तिन्नि अप्पेहि ||१७१५।। तेणावि अप्पियाइं गुरुओ एयरस संकिलेसो त्ति । भणिऊण हुणियमेगं न खमो दुक्खियमिमं दहुं ।।१७१६|| इय बीयं पि हु बिल्लं हुणियं तो निग्गया तणु-पहाहिं । पायडिय-दियंता दिव्व-जविखणी जलण-कुंडाओ ||१७१७।। भणियमणाए-भण ते किं कीरइ ? तो भणेइ वसुतेओ । आइसइ साहगो जं इय भणिऊणं गओ कुमरो ||१७१८।। उवयरिऊण परेसिं जं पच्चुवयार-भीरुणो गरुया । तत्तो हुंति निरीहा तं तेसिं चरियमच्छरियं ||१७99।।
Jain Education International
For Private & Personal Use Only
www.jainelibrary.org
