________________
૨૦
सिरिसोमप्पहसूरि-विरइयं नाणं दुज्जय-कम्म-कुंजर-घडा-पंचत्त-पंचाणणो, नाणं जीव-अजीव-वत्थु-विसरस्सालोअणा लोयणं ||१७३३।। नाणं धम्म-विरुद्ध-बुद्धि-नलिणी-संकोअ-चंदायवो, नाणं भद्द-परंपरा-वणलया-उल्लास-धारा-धरो । नाणं जम्म-जराय-दुक्ख-पडली-कंतार-दावानलो, नाणं भीम-भवंध-कूव-कुहरुत्तारे करालंबणं ||१७३४।। नाणेण पूण्ण-पावाई जाणिउं ताण कारणाइं च । जीवो कुणइ पवित्तिं पुन्ने पावाओ विणियत्तिं ||१७३५।। पुल्ने पवत्तमाणो पावइ सग्गापवग्ग-सोक्खाई । नारय-तिरिय-दुहाण य मुक्कइ पावाओ विणियत्तो ||१७३६।। जो पढइ अउव्वं सो लहेइ तित्थंकरतमन्नभवे । जो पुण पढावइ परं सम्म-सुयं तस्स किं भणिमो ||१७३७।। जो उण साहिज्जं भत्त-पाण-वरवत्थ-पोत्थयाइहिं । कुणइ पढ़ताणं सो वि नाण-दाणं पयट्टेइ ||१७३८।। नाणमिणं दिताणं गेण्हताणं च मोक्खपुर-दारं । केवलसिरी सयं चिय नराण वच्छत्थले लुढइ ।।१७३१|| सम्म नाणेण वियाणिऊण एगिंदियाइए जीवे | ताणं तिविहं तिविहेण रक्खणं अभयदाणमिणं ||१७४०।। जीवाणमभयदाणं जो देइ दयावरो नरो निच्चं । तस्सेह जीवलोए कत्तो वि भयं न संभवइ ।।१७४१|| आउं दीहमरोगमंगमसमं रुवं पगिढ़ बलं, सोहग्गं तिजगुत्तमं निरुवमो भोगो जसो निम्मलो । आएसिक्व-परायणो परियणो लच्छी अविच्छेयणी, होज्जा तस्स भवंतरे वियरए जो सव्व-जीवाभयं ||१७४२|| जीवाइ विणा चावं व मंडलग्गं व तिक्ख-धाराए । जीवदयाइ विहूणं विहलं सव्वं अणुहाणं ।।१७४३।। जं नव-कोडी-सुद्धं दिज्जइ धम्मिय-जणस्स अविरुद्धं । धम्मोवग्गह-हेउं धम्मोवहभदाणमिणं ।।१७४४।।
For Private & Personal Use Only
Jain Education International
www.jainelibrary.org
