________________
२५०
सिरिसोमप्पहसूरि-विरइयं सुंदरो त्ति दुच्चरियचत्तउ .
सहुँ ति सेहिण सुत्थिइण सो कयाइं मुणिपासि पत्तउ । तिणि आयलिउ मुणिवयणु जो पणमिवि जिणनाहु । भोयणु कुणइ सु अन्न-भवि न लहइ दुह-दव-दाहु ।।२।।१६६५।। जेम्व तिसियह निसिरु पयपूरु
परमत्थु(न्नु) र्जिव भुक्खियह । जेम्व रोग-गहियह वरोसहु ।
ओहेण तं मुणि-वयणु चित्ति लग्गु तिम्व तसु सुहावहु । सो परिपालिवि तं वयणु जावजीवु संपुन्नु । पयइ-कसाय-विमुक्क-मणु कमिण विवन्नु सउन्नु ।।३।।१६६६।। अत्थि नामिण नयरि तक्खसिल पडिवक्ख-वच्छयल-सिलमणि
सिलोह संबद्ध सुरहर । हरिणच्छि-हरिणंकमुह-महिलचक्क-चंकमण-मणहर | घणरस-पूरिय-परिह-बहु पुरिसु व पवरायारु । जहिं ठिय लहरि-भुयालयहि परिरंभिवि पायारु ।।४।।१६६७।। तहिं तिविक्कमु अत्थि नरनाहु तइलोक्त-विक्खाय-जसु
दलिय-सयल-बलिराय-विक्कमु । करपंकय-संगहिय-संखचक्कु नावइ तिविक्कमु । तासु सुमंगल-देवि पिय कोमल-कमल-दलच्छि । रूव-विणिज्जिय-जय-रमणि कणयच्छवि नं लच्छि ।।५।।१६६८। तासु कुविखहिं जीवु सुंदरह उप्पन्नु ।
प्रत्तत्तणिण निसहिं तहिं जि देवीए दिउ । पविसंतु मुह-पंकरहि ।
पुन्नकलसु सिविणइ विसिहउ । सुह-परिबुद्धहिं तीए तउ सुविणउ कहिउ पियस्सु । तिण वुत्तउ तुह सुहनिलउ होसइ पुत्तु अवस्सु ||६||१६६१।। तं सोउं तुहा तीए समयम्मि दोहलो जाओ । गयखंध-गया मिठेण राइणा धरिय-सियछत्ता ||७||१६७०।।
For Private & Personal Use Only
Jain Education International
www.jainelibrary.org
