________________
सत्तमो पत्थावो
भत्ती तित्थयराण दाणममलं सीलं तवो भावणा,
हिंसालीय-अदत्त-मेहुण-महारंभाण संरंभणं । सिद्धंतामयपाणमुत्तमजणासंगो गुरुवासणं,
कोहाईण विणिग्गहो तह णमोक्कारस्स आराहणं ||१६५६|| धम्मत्थिणो अणुहाणमाइमं तत्थ तित्थयर-भत्ती । जं सा कयग-फलं पिव सम्मत्त-जलं कुणइ विमलं ||१६५७|| उत्तम-गुण-बहमाणो पयमुत्तमसत्त-मज्झयारम्मि । उत्तम-धम्म-पसिद्धी भत्तीए वीयरागाणं ||१६५८|| एक्को वि उदग-बिंदू पक्खित्तो खीरसायरम्मि जहा । जायइ अक्खयरूवो एवं भत्ती जिणिंदाणं ||१६५१।। सुद्धे खेत्तम्मि जहा पइन्नगं होइ बहुफलं बीयं । सद्धा-जलेण सित्तं जिणम्मि तह भत्ति-बीयं पि ||१६६०|| जं जं मणाभिरामं दीसइ इह पयइसुंदरं किं पि । तं तं जिण-भत्तीए फलंति नत्थेत्थ संदेहो ||१६६१।। भत्तीए जिणवराणं गलंति पुव्वज्जियाइं पावाइं । सग्गाऽपवग्ग-सोक्खाणं भायणं होइ तो जीवो ||१६६२|| अच्छउ दूरे जिणभवण-पडिम-ण्हवणऽच्चणाईयं किच्चं । जिण-पणमणं पि कल्लाणकारणं सुंदरस्स जहा ||१६६३|| तहा हि-
. [1. जिनभक्ती सुंदर-कथा ] अस्थि मणिवइ-विसय-मज्झाम्मि मणिवइआ वर नयरि ।
मणि-निबद्ध जिण-भवण मणहर | गंभीर परिहा-वलय फलिह-पवर-पायार-सुंदर |
तहिं सुत्थिओ नामिण वसई रिद्धिविसिहउ सेहि । जसु घरि जिण-मुणि-भत्तिपरु बालु वि सम्मदि(दि)हि ।।१||१६६४|| तासु मंदिरि अस्थि कम्मयरु
नय-विणय-संकेअहरु ।
Jain Education International
For Private & Personal Use Only
www.jainelibrary.org
