________________
सिरिसोमप्पहसूरि - विरइयं
चमरप्पमुहाणं सयस्स मुणिवराणं पुव्वभव - पुन्नोदएण गणहर-पयजोग्गयं जाणिऊण उप्पाय - विगम-धुवत्त- रूवं सयल - सुय - सायरसार- रयणभूयं पयत्तयं परुवेइ । ते वि य तयणुसारेण दुवालसंगाई विरयति । चउव्विह- देवनिकाय - परिवुडो घेत्तूण दिव्वगंध-चुन्नपुन्नं सुवन्न थालं उवडिओ सक्को ।
२४६
-
अह उद्विऊण भयवया विणओणएसु उत्तमंगेसु चमराईणं गणहराणं चुन्नक्खेवं कुणंतेण सुत्तेणं अत्थेणं तदुभएणं सव्व दव्व-गुण-नयपज्जवेहि अणुओगाणुन्ना गणाणुन्ना य दिन्ना । सूर कर पहय-दुंदुहिनिनाय पुरस्सरं सुरेहिं सुरंगणाहिं नरेहिं नारीहिं य कओ तेसिं चुन्नखेवो । ते वि कयंजलिउडा भयवओ वयणाणि सम्मं पडिच्छंति । भयवं पि पुणो पुव्वाभिमूहो सिंहासणे निसन्नो अणुसहिगब्भं धम्मदेसणं करेइ |
एत्यंतरे पुन्ना पोरिसी
आढयप्पमाणी अखंड - कलमसालि-कणविणिम्मिओ मणिमय- थाल - विणिवेसिओ सुर-पक्खित्त-सुगंधवासवासिय दियंतरी तरुण पुरिस समुक्खित्तो सच्चवीरिय महाराय कारिओ देवदुहि - निनाय - भरिय बंभंडमंडलो मंगल मुहल महिलाणुगओ समंतओ नायर - नियर-परिवारिओ पुव्वदुवारेण पविडो बली । ठिया धम्म- देसणा । पयाहिणीकाऊण भयवंतं तस्स पुरओ पक्खित्तो तिक्खुत्तो बली । तस्सद्धं नहयले चेव चायगेहिं व जलहर-जलदेवेहिं गहियं, अद्धद्धं धरणि- निवडियं सच्चवीरिएण रन्ना, सेसं पुण पागय-जणेणं । बलि - माहप्पेण पुव्वुप्पन्ना आमया विणरसंति । नवा पुण छम्मासं जाव न हवंति ।
भणियं च
राया व रायमच्चो तस्सासइ पउर जणवओ वा वि । दुब्बलि खंडियबलि छडिय - तंदुलाणाढ्यं कलमा ||१६४४ || भाईयपुणाणिआणं अखंड - फुडियाण फलगसरियाणं । कीरइ बली सुरा वि य तत्थेव छुहंति गंधाई || १६४५ || भवणवइ - वाणमंतर - जोइस-वेमाणिएहिं देवेहिं । नरनारि- गणेहिं तहा समंतओ भत्तिभरिएहिं || १६४६ ||
Jain Education International
-
For Private & Personal Use Only
-
www.jainelibrary.org
