________________
२४५
सुमइनाह-चरियं
अंतो कोडाकोडिं धरिउ खवियम्मि सेसए जीवा । घण-राग-दोस-परिणइरुवं पावंति तो गंठिं ||१६३२|| एत्तिय-दूरं व इमे पत्ता सव्वे अणंतसो जीवा । किंतु अउन्ना पुणरवि परिवडिऊणं गया मूले ||१६३३।। बद्धा उक्लोसठिइ कम्माण पुणो वि संकिलिहेहिं । भमिहिंति भवमभव्वा एवं पुरओ सयाकालं ।।१६३४|| आसन्नकाल-भवसिद्धियाओ तमपुव्वकरणवज्जेण । गंठिं गिरिं व भिंदंति पाविउं वीरियमउव्वं ।।१६३५।। अनियट्टिकरणमइसय-विसुद्धिरुवं तओ समणुभविउं । अंतोमुत्तमेत्तं कालं ते मोक्ख-तरु-मूलं ॥१६३६।। कारणमणंत-सोक्खाण वारणं तिक्ख-दुक्ख-लक्खाण । सम्मत्तं रयणनिहिं रोर व्व लहंति कयपुन्ना ||१६३७।। पत्ते वि हु सम्मत्ते एगाए अयरकोडिकोडीए । पलियपुहत्ते खवियम्मि देसविरई पवज्जति ।।१६३८|| संखिज्ज-सायरेसुं गएसु तत्तो लहंति चारित्तं । उवसमसेणिं पुण तित्तिएसु तह खवगसेणिं च ||१६३१|| इय जाणिऊण दुलहं जिणधम्मं तम्मि उज्जयं(मं) कुणह । मा पुण वि पमायवसा निवसह एगिदियाईसु ||१६४०।। लढुं जिणधम्म विसय-परवसा हारवंति जे मूढा । ते जलनिहि-मज्डा-गया नावं भिंदंति लोहकए ।।१६४१|| इय धम्मकहं सोउं चमर-नरिंदाइणो जणा बहवे । पडिबुढ्दा बैंति जिणिंद ! जंपियं अवितहं तुमए ||१६४२।। ता अम्हे सामि ! तुमं दिक्खा-हत्थावलंब-दाणेण ।
दुह-लहरि-रउद्दाओ नित्थारसु भव-समुद्दाओ ||१६४३|| तओ ते सव्वे वि दिक्खिया भयवया जाया चमरप्पमुहा मुणिणो । संपन्नाओ विमल-मइ-प्पमुहाओ अज्जाओ | पवना सव्वविरई महारायप्पमुहेहिं मणुस्से हिं । गुणवइ महादेवी-पमुहाहिं महिलाहिं अब्ने हिं य बहुएहिं तिरिक्खेहिं देसविरई पडिवघ्नं, देवेहिं देवीहिं सम्मइंसणं । भयवं
Jain Education International
For Private & Personal Use Only
www.jainelibrary.org
