________________
२४४
-
सिरिसोमप्पहसूरि - विरइयं चारित्त-नाण- दंसण रयणत्तय-भायणे मणुय - जम्मे । पावं कुणति जे ते खिवंति रेणु रयण थाले || १६१८ || ते इंदियत्थ-लुद्धा कसाय रुद्धा सरीरसुह-गिद्धा । नरएस जंति तत्तो भमंति भीमं भवमणंतं ||१६१९|| देवेसु समुप्पन्ना महिड्डिय-सुरेहिं आणविज्जति । अप्पिड्डियमप्पाणं पलोयमाणा मिलायंति || १६२०|| विउलं परस्स रिद्धिं दहुं ईसानलेण डज्झति । पुव्वकय- अप्प-सुकयं मणम्मि सोयंति अप्पाणं || १६२१|৷ कइयावि चविय पिययम- सुरवहु-विरहे लहंति नरय - दुहं । कइयावि कुविय - दइयाऽपसायणेणं किलिस्संति || १६२२ ॥ पररमणीओ हरंति लोभवसओ परेण कोवेण । वज्जेण ताडिया मुच्छिया य छम्मासमच्छंति || १६२३|| ईसा विसाय-मय- कोह- लोह-मायाइणो अरि-समूहा । रिणियाण व ववहरया मेल्लंति सुराण विन पहिं || १६२४|| रमणी - विमाण - रयणाइ - मोहिया चवणमप्पणी मुणिउं । अज्झाणेण चवंति जंति एगिंदिएसु पुणो || १६२५ || एवमणते पोग्गल - परियहे परियडंति संसारे । जीवा मिच्छत्त-तमोह- निहुय सम्मत्त-वर - नयणा ||१६२६ ॥ चउदस-रज्जुम्मि जए बालग्ग समं पिनत्थि तं ठाणं । जम्म-मरणाई पत्ताइं तेहिं नाऽणंतसो जत्थ ||१६२७||
-
--
तं नत्थि विसय- सुक्खं तज्जणिअं तं न अत्थि दुक्खं पि । जं जीवेहिं न पत्तं नवरं पत्तो न जिण - धम्मो || १६२८|| सुलहो विमाणवासी रयणायर - मेहला मही सुलहा । लोयम्मि नवरि दुलही धम्मो सव्वन्नु - पन्नत्ती ||१६२१|| सत्तर- कोडाकोडीओ मोहणीयस्स हुंति अयराणं । उक्कोस- ठिई तह वेयणीय- आवरण विग्घाणं || १६३०| तीसं कोडाकोडीओ वीस पुण हुंति नाम - गोत्ताणं । सत्तण्हं पि इमाणं अहापवत्तेण करणेणं || १६३१||
For Private & Personal Use Only
Jain Education International
-
www.jainelibrary.org
