________________
२४३
सुमइनाह-चरियं
कुल-जाइ-विसुद्धेसु वि उप्पन्ना माणुसेसु कईया वि । पावंति तं दुहं जेण जायए हियय-उक्वंपो ||१६०४|| रोमे रोमे सुईहिं अग्गिवन्नाहिं २०भिज्जमाणस्स । जं होइ दुहं तत्तो अवगुणं गब्भवासम्मि ||१६०५।। गब्भाओ नीहरंताण जोणिजंतेण पीढणे जं च । तं गब्भवास-दुक्खाओ होइ दुक्खं अणंतगुणं ||१६०६।। बालत्तणे लुलंता मुत्त-पुरीसेसु वोत्तुमसमत्था । निच्चेयण व्व हत्थं अहि-जलणाईसु वि खिवंति ।।१६०७।। जोव्वण-पओस-पाविय-पसराहिं पिसाइ-रक्खसीहिं व । दविणासा-विसयासाहिं विवस-हिअया किलम्मति ||१६०८।। कुव्वंति किसिं जलहिं तरंति देसंतराई वच्चंति । विवरं पविसंति खणंति रोहणं हुंति कम्मयरा ||१६०१।। सेवंति निवं विरयंति रणभरं पर-धणं वि लुटंति । गायंति य णच्चंति य दविणासा-विनडिया जीवा ||१६१०।। न गणंति कुल-कलंकं सयण-वयणं न अप्पणो वसणं । न य परलोय-विरुद्धं विसयासा-मोहिया मणुया ||१६११|| परपरिभव-पेसत्तण-विओग-दोहग्ग-रोग-सोगेहिं । गुत्तिनिरोह-विरोहाऽमरिसेहिं य दुत्थिया मणुया ||१६१२। गमणासहा अदंता पुणो वि वियलिंदिया खलिय-वयणा | वयण-विगलंत-लाला बाल व्व जराए किज्जंति ||१६१३।। सुहिया काम-वियारेहिं दुक्खिया दीणया-पयारेहिं । निय-जीवियं विमूढा नयंति न उ धम्म-कम्मेहिं ||१६१४|| नीसेस-कम्मक्खयकारयं पि लद्धण माणुसं जम्मं । विहलं कुणंति पावा "पावायारेहिं विविहेहिं ।।१६१५।। जय-कुंजरं खरेण व काण-कवड्डेण कणय-कोडिं व । मणिमुवलेण व हारंति विसयसुक्खेण मणुयत्तं ||१६१६।। सग्गाऽपवग्ग-सोक्खाण कारणे माणुसत्तणे पत्ते । अहह नराणं नरयप्पयाण-पवणे मई पावे ।।१६१७||
For Private & Personal Use Only
Jain Education International
www.jainelibrary.org
