________________
૨૪૨
सिरिसोमप्पहसूरि-विरइयं तत्थुप्पन्ना घडियालयाओ संकडमुहाओ असुरेहिं । कडिज्जति रडंता सीस-सलाय व्व जंताओ ||१५१०।। कर-चलणाइसु घेत्तुं सिलायले वज्ज-कंटयाइन्ने । अप्फालिज्जति दढं इमेहिं वेत्थं वरयगेहिं (?) ||१५११।। दढमुच्छुणो व्व कत्थइ निप्पीलिज्जंति लोहजतेहिं । कत्थइ करवत्तेहिं दारुं व दुहा विहिज्जति ||१५१२।। सुमराविऊण परजुवइ-संगमं वज्जकंटय-सणाहं । कत्थइ सिंबलि-रुक्खं कत्थइ तत्तायस-पुरंधिं ||१५१३।। आलिंगाविज्जति हणिऊणं मुग्गरेहिं पट्टीए । खादिज्जंति समंसं सुमराविय मंसलोलत्तं ।।१५१४|| सुहगिद्धि-कहणुपुव्वं काराविज्जति तत्त-तउपाणं । भुज्जति भडित्तं पिव कुंभीपागेसु पच्चंति ||१५१५।। तिल-तुस-तिभाय-मित्तं छिन्ना वि मिलंति पारय-रसो व्व । तत्त-कडाहेसुं पप्पड व्व कत्थइ तलिज्जति ।।१५१६।। कत्थइ पूय-वसा-लोहिएहि कत्थइ य तंब-तऊएहि । तत्तेहिं वहंतीए वेयरणि-नईए खिप्पंति ||१५१७|| वाहिज्जंता तीए पुलिण-वसह व्व दुव्वहं भारं | वज्जानल-पज्जलिए भहे चणग व्व फुटुंति ||१५१८।। छायत्थिणो अ पत्ता असिपत्त-वणम्मि पवण-विहएहिं । नाणाविहेहिं पत्ताउहेहिं छिज्जति सव्वंगं ||१५११।। किं बहुणा ? नरएसुं सत्तसु तिक्खाई जाई दुक्खाई । ताई कय-कोडिजीहो सक्को वि न वलिउं सक्को ||१६00।। नरयाओ उव्वट्टा होउं सीहाइणो पुणो नरए । पुण मच्छाइसु एवं पुणो पुणो जंति नरएसु ।।१६०१।। इय हिं डिऊण सुइरं कईयावि अणारिएसु मणुएसु । मायंगाइसु अहवा उप्पना आरिएसुं पि ॥१६०२।। तत्थ अखज्ज-अपेज्जाऽकज्जाऽगम्माइ-सेवणासत्ता । जंति नरएसु बहुसो कालमणंतं परिभमंति ।।१६०३।।
Jain Education International
For Private & Personal Use Only
www.jainelibrary.org
