________________
२४१
सुमइनाह-चरियं
इय अणुहविउं दुक्खं लहंति विगलिंदियत्तणं कह वि । तेसु वि सीयायव-मद्दणाई दुक्खाइं पावंति ||१५७७|| पंचिंदिएसु तत्तो असलिणो सनिणो य जायंति । तो अणुहंवति पीडं जल-थल-नह-चारिणो होउं ||१५७८।। भक्खंति ते जलयरा परोप्परं धीवरेहिं घेप्पंति । किज्जंति भडित्तं हुयवहम्मि सत्थेहिं छिज्जंति ||१५७१।। गालिज्जंति व सत्थेहिं तह तलिज्जंति तत्त-तावीसु । पच्चंति थालियासुं वंग-पमुहेहिं गलिज्जति ||१५८०।। थलचारिणो अ सस-सूयराइणो लुद्धएहिं हम्मंति । विविहेहिं उवाएहिं तडप्फडंता निरवराहा ||१५८१।। अइभारारोवण-वाह-दाह-सीउण्ह-छुह-त्तिसाइहिं । आराकसंकुसेहिं य सहति गुरु-वेयणं एए ।।१५८२|| खयरा वि कमढय-चडय-पभिइणो दुव्वलावलित्तेहिं । खज्जति खगेहिं गिद्ध-सेण-सिंचाण-पमुहेहिं ||१५८३|| तित्तिरि-मोरप्पमुहा विविहोवाएहिं संगहेऊण | बहुविह-विडंबणाईहिं निक्करुणेहिं हणिज्जति ।।१५८४|| ते वि हु मीण-भुयंगम-चित्तय-सीहत्तणाई लहिऊण | कूरमणा मंसाई भक्खंति हणंति जंतु-गणं ।।१५८५।। रुद्दज्झाणेण मया नरएसु गया सहति पढमेसु । तिसु उण्हं तिसु सीयं परेसु तुरियम्मि सीउण्डं ||१५८६।। किञ्चतिसु आइमेसु परमाहम्मिय-सुरेहिं विणिम्मियं दुक्खं । अवरेसु तिसु परोप्पर-कय-विविह-कयत्थणा-जणियं ।।१५८७।। नरयम्मि सत्तमे पुण समंतओ वज्ज-कंटगाइन्ने । सव्वंग-भेय-पाउब्भवंत-गुरु-वेयणावं ||१५८८।। एवं खेत्त-समुब्भवमनोन्न-समुत्थमसुर-जणियं च । तिविहं दुहं सहंता नरए चिहति चिर-कालं ।।१५८ ।।
Jain Education International
For Private & Personal Use Only
www.jainelibrary.org
