________________
ર૩૮
सिरिसोमप्पहसूरि-विरइयं तो नवसु सुरकएसुं कंचण-कमलेसु कंति-विजिएसु । सेवं कुणमाणेसु व सत्तसु पुरओ पयट्टेसु ।।१५३७।। दोसु पुण चलण-जुयलं कमेण भयवं ठवंतओ तत्थ । सुर-कोडीहिं परिवुडो पुव्वद्दारेण पविसेइ ।।१५३८।। चेइयदुमस्स काउं पयाहिणं पणमिऊण तह तित्थं । सिंहासणे निसियइ पुव्वाभिमुहो सुमइनाहो ||१५३१।। सेस-दिसासु वि पडिरूवयाइं विहियाई वंतर-सुरेहिं । ताणं पि जिण-पभावेण होइ रुवं तयणुरुवं ।।१५४०।। अन्नहा
सव्वे सुरा जइ रुवं अंगुह-पमाणयं विउविज्जा । जिण-पायंगुहं पइ न सोहए तं जहिं गालो ||१५४१।। सामिस्स सीस-पच्छिमभाए भामंडलं समुब्भूयं । दिणमणि-बिंबं चुंबइ खज्जोय-सिरिं पुरो जस्स ||१५४२|| सद्देणं भुवण-वियंभिएण निस्संग-चक्ववट्टित्तं । पहुणो पयासंतो व्व वज्जिओ दुंदुही गयणे ।।१५४३।। सहइ भवजलहि-तारय-जिण-निज्जामय-जुए पडाय-सिडो । इह समवसरण-पोए कूयक्खंमो व्व रयणधओ ||१५४४|| अह तम्मि पविसिऊणं निय-निय-दारेण निय-निय-हाणे । परिसाओ दुवालस रयणसाल-मज्झम्मि चिट्ठति ||१५४५।। "मुणि-वेमाणिय-थी-संजइओ पुग्वेण पविसिउं पहुणो । काउं पयाहिणं पुव्व-दक्खिणे ठंति दिसि-भाए ||१५४६।। जोइसिय-भवण-वंतर-देवीओ दक्खिणेण पविसित्ता । चिटंति दक्खिणावर-दिसाइ तिपयाहिणा-पुव्वं ||१५४७|| अवरेण भवणवासी-वंतर-जोइस-सुरा पविसिऊण | अवरुत्तर-दिसिभाए सामी(सामि) नमिऊण चिटंति ॥१५४८।। कप्पसुरा नर-नारीओ पविसिउं उत्तरेण दारेण । तिपयाहिणीऊण जिणं चिहंतीसाण-दिसिभाए ||१७४१।।
Jain Education International
For Private & Personal Use Only
www.jainelibrary.org
