________________
૨૩૭
सुमइनाह-चरियं
तह तेहिं कयाओ कणय-पंकयालंकियाओ वावीओ । चउसु वि दिसासु दारेसु रयण-सोवाण-पंतीओ ||१५२३।। ते चेव कणयसालंतरम्मि पुवुत्तरम्मि दिसभाए । देवच्छंदं विरयंति सामि-विस्साम-करणत्थं ||१५२४।। मणिवप्पे कप्पसुरा पुव्वदुवारं दुवे कणय-वना । रक्खंति वंतरा पुण चंदाभा दाहिण-दुवारं ।।१७२५|| रत्तुप्पल-समवन्ना जोइसिया दुन्नि पच्छिम-दुवारं । उत्तर-दुवारमंजण-समप्पभा भवणवासि-सुरा ||१५२६|| कंचणवप्प-दुवारे चउसु पुव्वाइ चउदिस-कमेण । पडिहारीओ सिय-रत्त-पीय-नीलंगकंतीओ ||१५२७।। देवीओ जया-विजया-अजिया-अपराजियाओ चिहंति । सव्वाओ अ(उ)भयपासं कुसुमुग्गर-वावडकराओ ||१५२८।। रक्खेइ रुप्पवप्पम्मि तुंबरू नाम सव्व-दाराई । नरसिरमाली खटुंग-संगओ जड-मउडधारी ||१५२१।। सोलस-धणुसय-समहिय-कोस-पमाणो समोसरण-मज्झे । कंकेल्लि-तरू-पल्लव-निरंतरो वंतरेहिं कओ ||१५३०।। तस्स तले रयणमयं पीढं ते निम्मवंति वित्थिन्नं । तस्सोवरि मणि-घडियं तहच्छंदयमप्पडिछंदं ।।१५३१|| तं मज्झे पुव्व-दिसाइ रयण-सीहासणं विउव्वंति । ते च्चिय सपायवीढं उवगूढं तिजय-लच्छीए ||१५३२|| तस्सोवरिं च पहुणो तिहुयण-सामित्त-सूयगं विहियं । उवरुवरिहिय-ससि-तिग-सरिसं छत्तत्तयं तेहिं ||१५३३|| जिण-रविणो तिहुयण-तम-कवलणकामस्स केवलरहस्स | चक्वं व कयं चक्वं तेहिं पुरो कणय-कमलगयं ।।१५३४|| जवखेहिं उभय-पासेसु चामरा चंदचारुणो धरिया । अन्नं पि हु जं किच्चं कुणंति तं वंतरा सव्वं ।।१५३५।। इय देवेहिं विहिए सालत्तय-सुंदरे समोसरणे ।
भावारि-वार-विहुरिय-जगत्तय-त्ताण-दुग्गे व्व ||१५३६|| Jain Education International
For Private & Personal Use Only
www.jainelibrary.org
