________________
૨૨૬
सिरिसोमप्पहसूरि-विरइयं । चलियासणा सुरिंदा समागया नाण-महिम-करणत्थं । वाउकुमारा सोहंति भूमिमाजोयणं तत्तो ।।१५09।। मेहकुमारा गंधोदएण सिंचंति सव्वओ वसुहं । सा सुरहि-बाह-धूमेण सहइ उक्खित्त-धूव व्व ||१५१०।। बंधंति वंतरसुरा कंचण-मणिमय-सिलाहिं महिवीढं । अप्पाणं पुण घण-कम्मबंधणाओ विमोयंति ।।१५११।। तत्थ अहोमुह-बिंटाइं महियलाओ व्व उग्गमंताई । उउदेवीओ वरसंति पंचवलाई कुसुमाइं ।।१५१२।। चउसु वि दिसासु ते तोरणाई तक्वंठ-भूसणाई व । विरयंति रयण-माणिक्क-किरण"-कय-सक्तचावाई ॥१५१३|| तेसु परोप्पर-पडिबिंबियाओ मणि-सालभंजियाओ दढं । सोहंति सुरवहुओ सहीहिं आलिंगियाओ व्व ||१५१४|| रेहति तेसु मयरा मरगय-घडिया पलायमाणेण । भयवसओ मुक्का मयरकेउणा केउमयर व्व ||१५१५।। धवलाई तेसु पहु-नाणलंभ-पाउब्भवंत-हरिसाण | हास व्व सव्व-दिससुंदरीण छज्जति छत्ताई ॥१५१६|| तेसु विरायंति धया समोसरण-मउड-लाभ-तुहाए । उत्तंभिया भुयाओ व नच्चिउकामाइ धरणीए ||१५१७।। रुप्पमयं पायारं बाहिं विरयंति जोयण-पमाणं । कंचणमय-कविसीसय-विरायमाणं भवणवइणो ||१५१८|| जोइसिया कणयमय-पायारं मज्झिमं विउव्वंति । मणि-निम्मिय-कविसीसय-दुगुणीकय-तारयाचक्वं ||१५१५।। मणिमयमभिंतरयं कुणंति माणिक्क-घडिय-कविसीसं । लच्छीए विन्भम-कुंडलं व वेमाणिया वप्पं ||१५२०।। वप्पे वप्पे दिप्पंति कणय-मणि-गोउराइं चत्तारि । चउरूव-धम्मनिव-पुंगवरस लीला-गवक्ख व्व ।।१५२१|| कंचणमय-घडियाओ पइदारं वंतरेहिं मुक्काओ । कप्पूरागरु-धूमेहिं मेह-संकं कुणंतीओ ||१५२२।।
Jain Education International
For Private & Personal Use Only
www.jainelibrary.org
