________________
सुमइनाह-चरियं
૨૩૭ पहु-दिक्ख-गहण-समए उज्जाओ तिहुयणम्मि संजाओ । सोक्खं च निच्च-दुहियाण नारयाणं पि संपन्नं ||१४१५।। नमिउं जिणं नरिंदा गया स-नयरं सुरेसरा गंतुं । नंदीसरम्मि काउं जिणिंद-महिमं गया सग्गं ||१४१६।। अह बीय-दिणे भयवं विजयपुरे पउम-निवइणो भवणे । पारइ परमनेणं तो पंच हवंति दिव्वाइं ||१४१७।। गयणाओ वसुहारं मुयंति गंधोदयं कुसुमवुद्धिं । वायंति दुंदुहीओ चेलुक्खेवं कुणंति सुरा ||१४१८|| घोसंति 'अहो दाणं सुदाणमेयं' ति ते नहयलम्मि । "पहु-पाय-पयहाणे करेइ पउमो "रयणपीढं ||१४११।। पूएइ तं तिसंझं पह-पय-पउमं पवर-भत्तीए । भयवं पि अपडिबद्धो विहरइ पवणो व्व भुवणम्मि ||१५00।। विविहाभिग्गह-निरओ विसोढ-विविहोवसग्ग-संसग्गो । विविह-तवच्चरणपरो विविहासण-करण-कयचित्तो ||१५०१।। जिय-राग-दोस-पसरो जिइंदिओ जिय-परीसह-समूहो । जिय-कोह-माण-माया-लोहो जिय-मोह-भय-निदो ||१५०२।। सम-सत्तु-मित्त-वग्गो सम-तण-मणि-लेहु-कंचणो निच्चं । सम-सुह-दुक्खो समरूव-गणिय-गरिहा-गुणपसंसो ||१५०३|| धम्मो व्व मुत्तिमंतो जंगम-भावं गओ व्व संतोसो । पसम-रस व्व सरीरी पच्चक्खो पुन्न-रासि व्व ||१५०४|| अपमाओ छउमत्थो वीसं वरिसाणि विहरिउं भयवं । एइ सहरसंबवणे दिक्खा-पडिवत्ति-ठाणम्मि ||१५०५।। झाणहियस्स पहुणो पियंगु-मूले अउव्वकरणेण । खवगसेणिय-पवन्नस घाइ-कम्माइं तुद्याई ।।१५०६|| चित्तस्स सुद्ध-एगारसीए महरिक्खमुवगए चंदे । पहुणो कय-छहतवस्स केवलणाणमुप्पन्नं ।।१५०७।। तक्वालं चिय अइ-तिक्ख-दुक्ख-विहुराण नारयाणं पि । जायं सुक्खं तह तिहुयणे विप्फुरिओ समुज्जोओ ||१५०८।।
For Private & Personal Use Only
Jain Education International
www.jainelibrary.org
