________________
૨૩૪
सिरिसोमप्पहसूरि-विरइयं एवं संवच्छरमछिन्नं सुवन्न-वारि-धाराहिं कयत्थीकाऊण दुग्गइबप्पीहए हयासे स-दुत्थो रज्जे निवेसए सच्चवीरिय-कुमारं । अह चउसहि-सुरिंदा चलियासणा सपरिवारा समागया तत्थ विमाणारुढा पयाहिणीकाऊण "भयव ओ भवणं ओइला विमाणे हिं तो पुणो पयाहिणीकाऊण भयवंतं पणमंति । जम्म-महसवे व्व सव्वे सुरिंदा नरिंदा अभिसिंचंति गंधोदएहि, निमज्जति गंधकासाईएहिं, विलिंपंति गोसीस-चंदणेणं, परिहाविंति देवदसे हिं, अलंकरंति किरीडाइरयणालंकारेहि, विभूसंति संताणय-प्पमुह-कुसुममालाहिं । तओ कया अभयंकरा नाम पत्थिवेहिं कणय-रयणमई सिबिया, सुरिंदेहिं पि विउव्विया बीया सिबिया । सा वि पत्थिव-सिबियंतरे कालागरु व्व चंदणे अणुपविहा । अच्चुइंदेण दिनहत्थों सक्वीसाणाहिं धुव्वंत-चामरो चमरिंदेण धरिय-धवलायवत्तो बलिंदेण पयडिय-पडिहारकम्मो सेसिंदेहिं कय-जय-जय-सद्दो आरूढो सिबियं, निसिल्लो सिंहासणे ।
पुग्विं उक्खित्ता माणुसेहिं सा हह-रोमकूवेहिं ।
पच्छा वहंति सीयं असुरिंद-सुरिंद-नागिंदा ।।१४१३।। तओ पहएसु मंगलतूरेसु, जच्चंतीसु ससंरंभं रंभा-तिलुत्तमा-पमुहासु अच्छरासु, गायंतेसु गंधव्वेसु, पढंतेसु बंदिविंदेसु, आसंसंतीसु मंगलाई गोत्त-वुडविलयासु धवल-मुहलासु कुलमहिलासु चउद्दिसं वग्गंतेसु तियसवग्गेसु पलो इज्जमाणो विप्फारिय-नयणेहिं नायर-गणे हिं पडिच्छंतो पए पए तक्वय-मंगलाई आणंदंतो अमय-वुडीए व्व दिहीए भुवणं पत्तो सहस्संबवणं । उइलो सिबिया ओ, "मिल्लिऊ ण मल्लालंकाराइं सुरिंद-निहित्तं देवदूसं खंध-देसे धरंतो वइसाह-सुद्धनवमीए पुठवण्हे निच्च-भत्तेणं महारिक्ख-जोगमुवगए चंदे नरिंदाणं सहस्सेण समं सुमइसामी पंचमुट्ठियं लोयं करेइ । सक्को केसे निय-वासंते पडिच्छिऊण तक्खणा खिवइ खीरोए । सुरासुरनराणं मुहिसन्नाए कलयलं इंदेण णिसिद्धं । भयवं पि सिद्धाण नमोक्वारं काऊण 'सव्वं मे पावं अकरणिज्ज' ति पइन्नं पडिवज्जइ, तक्वालमेव के वलनाणीवलंभसच्चंकारो व्व समुप्पन्नं सामिणो मणपज्जव-नाणं । तं च केरिसं ?
मणपज्जव-नाणं पुण जण-मण-परिचिंतियत्थ-पागडणं । माणुसखेत्त-निबद्धं गुणपच्चइयं चरित्तवओ ।।१४१४।।
Jain Education International
For Private & Personal Use Only
www.jainelibrary.org
