________________
૨૩૨
सिरिसोमप्पहसूरि-विरइयं भोग-फलं निय-कम्मं खविउं सामी रमेइ ताहि समं । मूलाओ वि तित्थयरा कम्म-च्छेउज्जया जम्हा ||१४७१।। दससु गएसुं जम्माओ पुव्व-लक्खेसु मेह-राएण | अब्भत्थिऊण गाढं रज्जम्मि निवेसिओं सामी ।।१४७२।। गुरु-पय-मूले गहिउं मेह-नरिंदो सयं समण-दिक्खं । कय-तिव्व-तवच्चरणो निय-कज्ज-पसाहओ जाओ ||१४७३।। रज्जे ठियस्स पहुणो जं पणया पत्थिवा न तं चोज्जं । जं तस्स किंकरा बालभावओ वासवा सव्वे ||१४७४।। भमुहा वि न कस्सइ उवरि कोववसओ चडाविया पहुणो । चाव-चडावण-वत्ता वि केरिसी तस्स रज्जम्मि ||१४७५।। पहुणो रज्जे मोहं किरणं चिय वसणमंबरं चेव । सोयं सुइत्तणं चिय लोहं धाउं चिय भणंति ||१४७६।। मुणिणो चेव समरया च्छित्ताई चिय अणीइजुत्ताइ । सिद्धंतो चिय समओ पहुम्मि रज्जं कुणंतम्मि ।।१४७७।। परचक्क-भय-विमुक्वा विगयायंका अदिह-दुब्भिक्खा ॥ संपत्त-सयल-सुक्खा पहु-रज्जे सुत्थिया लोया ||१४७८।। किंतु पहुणो पयावेण साहिए सयल-महियले भिच्चा । अणपाविय-सामि-पसाय-निक्कया बहु किलम्मति ||१४७१।। एगूणतीस लक्खा पुव्वाण तहा दुवालसंगाई । अइवाहियाइं पहुणा सुहेण रज्जं कुणंतेण ||१४८०।। गब्भाओ च्चिय नाणत्तएण जुत्तो जिणो सयं बुद्धो । संसार-सरूवमिणं मणम्मि परिभावए एवं ||१४८१।। संसारे विसय-सुहं विसमीहिय-भोयणं व मुह-महुरं । परिणाम-दारुणं बुज्झिाऊण उज्झइ न को मइमं ? ||१४८२।। चुलसीइ जोणि-लक्खेसु संसरंताण एत्थ जीवाणं । मणुयत्तं दुलहं उसरम्मि सुस्साउ-सलिलं व ||१४८३।। लढूण वि मणुयत्तं मूढेहिं विसय-सेवणपरेहिं । अमयं व निग्गमिज्जइ चलण-प्पक्खालणेण मुहा ।।१४८४||
Jain Education International
For Private & Personal Use Only
www.jainelibrary.org
