________________
૨૨૩
सुमइनाह-चरियं
चित्ता य चित्तकणगा सतेरा य सोयामणी । एयाओ दीवय-हत्थाओ चिट्ठति । एवं मज्झिम-ख्यग-वत्थव्वाओ चत्तारि -
रूवा रूवंसिया चेव सरुवा ख्यगावई ||१३११।। एयाओ चउरंगुल-वज्जं नाहि-नालं कप्पिऊण खणित्ता वियरगं तत्थ तं खिवंति । तं च रयणेहि पूरंति । तत्थ हरियालियाए पीढं बंधंति । तिदिसं कयलीहरए विउव्वंति । ताण मज्ो चाउसालए विउव्वंति । ताणं च मज्झे सीहासणे तिल्नि विउव्वंति | तित्थयरं करयलेणं तित्थयर-मायरं च बाहाहिं गिहिऊण दाहिणिल्ल-कयलीहरय-चाउसाले गंतूण सीहासणे निवे संति । सयपाग-सहस्सपाग-तेल्ले हिं' अब्भंगंति, सुरहिणा उन्वट्टणेण उव्वदृति । दो वि तहेव घेत्तूण पुव्व-कयलीहर-चाउसाले गंतूण 'सीहासणे निवेति । गंधोदएहिं पहाविंति । सव्वालंकारविभूसिए काऊण दो वि तहेव उत्तरिल्ल-कयलीहर-चाउसाले नेऊण सीहासणे निवेसंति । हिमवंत-गोसीस-चंदण-कठेहिं अग्गिहोमं काऊणं दोण्हं पि रक्खा-पोलियाओ बंधंति, दवे रयण-गोलए गहिऊण 'पव्वयाऊ होसु ।' ति भणंतीओ जिणस्स कलमूलम्मि खोटंति । दो वि तहेव गहिऊण जम्मण-भवणे से ज्जाए निसियाविंति || इओ य
सक्छो सिंहासण-कंप-संपउत्तोहि-मुणिय-जिण-जम्मो । गंतूण जिणाभिमुहं सत्तह-पयाइं हिहमणो ||१३१२|| पंचंग-पणामं विरइऊण सक्वत्थयं पढइ तत्तो । 'सिंहासणम्मि ठाउं आणावइ णेगमेसि-सुरं ||१३१३|| जहा
जंबुद्दीवे भरह- मज्झिम-खंडे अओज्झाए पुरीए मेह-रण्णो मंगलादेवीए पुत्तो पंचमो तित्थयरो समुप्पनो । तस्स जम्म-महिमकरणत्थं सव्वे देवे सपरिवारे हक्वारेसु । गंतूण तेण सुहम्माए सहाए अप्फालिया सुघोस-घंटा । तीए य समं एगूणबत्तीस-लक्ख-विमाणेसु घंटाओ महर-गाइणीइ व्व समं पक्खगाइणीओ रणिउं पवत्ताओ । तासिं च पडिसद्देहिं सद्दमओ व्व जाओ जीवलोओ । तेण महया सद्देण उग्घुहो सक्काएसो, मिलिया सव्वे सन्विड्डीए सुरा । सक्को वि पालयं नाम
Jain Education International
For Private & Personal Use Only
www.jainelibrary.org
