________________
सुमइनाह-चरियं
૨૨૧ व पुढाओ सव्वं पि । देवीए वि विवाय-निलयं चिंतिऊण भणियं जहा'मम गब्भे तिलाण-सणाहो अत्थि तित्थयरो । सो य जाओ एयस्स असोय-तरुणो तले एयं विवायं छिंदिस्सइ । ता तुब्भे दुवे वि एत्तियं कालं पडिक्खह ।' विमायाए भणियं- ‘एवं होउं' त्ति । मायाए पुण वुत्तं'तुमं सव्वन्नु-माय त्ति अज्जसु(?अज्जेव) करेसु निलयं, नाहं एत्तियं कालं सवत्ति-आयत्तं पुत्तं वित्तं च करिस्सं ।' विभाविऊण भणियं देवीए'कालक्खेवाऽसहत्तणेण नूणं इमीए चेव एसो प्रत्तो । जओ परसंतीए पुत्ते वित्ते अ उभयायत्ते कीरमाणे किं मे विणस्सइ ति काल-हरणं सहेइ विमाया । जणणी पुण पुत्तं वित्तं च उभयायत्तं कीरमाणं सोढुमक्खमा कहं काल-हरणं सहेइ ? ता भद्दे ! जं तुमं काल-हरणं न सहसे, तं नायं तुह चेव पुत्तो इमो ति गिण्हसु पुत्तं ।
इयराए लालिओ पालिओ वि पुत्तो इमो तुह च्चेव । जह पोसिओ वि काईइ कोइलो कोइला-सुओ' ||१३७५।। गब्भ-पभावेणं देवीए विवाय-निब्लए विहिए । नरवइ-पमुहो लोओ सव्वो वि हु विम्हयं पत्तो ।।१३७६।। दारय-माय-विमायाओ कमलिणी-कुमुइणीओ व पभायाए,
वियसिय मिलाण-मुहकमल-कइरवाओ गयाओ गिहं । गब्भो य लहुकरणुज्जओ व्व देवीइ पीडमकुणंतो,
___ कंदो व्व धरणि-मज्झे कमेण वुद्धिं समणुपत्तो ||१३७७।। मासेसु नवसु अद्धहमेसु तह वासरेसु वइसाहे । सेयाए अहमीए महरिक्ख-गए मयंकम्मि ||१३७८।। जच्च-सुवण्ण-सवण्णं कुंचकं पसवए कयाणंदं । पुव्व-दिस व्व दिणिंदं सुय-रयणं मंगलादेवी ।।१३७१।। खणमुज्जोओ तिजए जाओ सुक्खं पि नारयाणं पि । अहवा सुपुरिस-जम्मो कस्स न हरिसावहो होइ ।।१३८०।। अहलोआओ चलियासणाओ जाणिय-जिणिंद-जम्माओ । अह-दिसाकुमरीओ जिण-जम्महरम्मि पत्ताओ ||१३८१।। भोगंकरा भोगवई सुभोगा भोगमालिणी । तोयधारा विचित्ता य पुप्फमाला अणिंदिया ||१३८२।।
Jain Education International
For Private & Personal Use Only
www.jainelibrary.org
